Ezekieli 40:16 - KITABU KITAKATIFU

¹⁶ Amadigi gi chova gi ving'oze viosi gaali na madirisha makuzuzu, kandi madigi gu mugati. Amadigi gu mugati agaali kolovega lwi kirivwa, vaali ni vaviiki ku misaala ja makindu ijavazwa.

Ezekieli 40:16 ပူးပေါင်းရင်းမြစ်များ

1 Avami 6:29

Madigi gu uvuhiilu kandi keng'oze chu mugati goosi gaali nigasiahiywi na mangirinya gi vilombe vie zimbaha, misaala ja makindu kandi na kimuli.

1 Avami 6:32

Miliango zana jasiafwa na mangirinya gi vilombe vie zimbaha, kandi misaala ja makindu kandi vimuli. Miliango, vilombe viezimbaha ni vimuli viafumwa ni zahabu.

1 Avami 6:35

kandi jasiafwa na mangirinya gi vilombe vie zimbaha, misaala ja makindu, kandi vimuli viakunikwa vulahi keleng'ani ni zahabu ku.

1 Avami 6:4

Madigi gi Litembeli gaali mu na madirisha guvwiyangu vong'erere kolovega lwe ichova kuvita lovega lwu musi.

1 Avami 7:4

Zimbaho zia madirisha ziali ho mu zimbaho zivaga, kandi madirisha gahenzana mu vika vivaga.

2 Kyetsinyinga 3:5

Keng'oze kenene chaalwa ni zimbaho zie midaragwa kandi nizivakwa ni zahabu indahi ligali, na yaang'ora ku makindu kandi minyororo.

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Ezekieli 40:12

Imbiri wa vuli keng'oze chu musikari, chaliho ni lidigi zisendimita 50 kuzia igulu, kandi zisendimita makomi gatano uvuliduhu. Ving'oze yivi viali zimita 3 zimbega ziosi.

Ezekieli 40:15

Kutura mu vwingiliru vwi kirivwa kuduuka kundulu kwu mugati mwu mulusimbu lwi kirivwa, ziali zimita 25.

Ezekieli 40:25

Kirivwa yiki chaali na madirisha mu ving'oze viacho kuli virivwa vie ving'oze vindi. Uvutambi vwosi vwi kirivwa yiki vwali zimita makomi gaviri na zitano, kandi uvuvambalaru vwacho vwali zimita likomi na ziviri ninusu.

Ezekieli 40:26

Kirivwa yiki chaali ni vika saba iviazizaa kucho, kandi keng'oze chacho chaali chu kumaliriza chahenzana nu mugizi. Madigi gu mugati gaali ni misaala ja makindu ijavazwa.

Ezekieli 40:29

Ving'oze viu musikari, ving'oze viu vwingiliru kandi madigi gacho viali ni ligera lilala liere kuli virivwa vindi. Madirisha gaali mu ving'oze viacho, uvutambi vwali zimita makomi gaviri na zitano, uvuvambalaru vwali zimita likomi na ziviri ninusu.

Ezekieli 40:30

Ving'ozi viu muvwingiliru viali uvutambi zimita likomi na ziviri ninusu, nu vuvambalaru vwali zimita ziviri ninusu.

Ezekieli 40:31

Keng'oze yiki chaali chahenzana nu mugizi gwi chova, kandi misaala ja makindu ijavazwa jaali ku madigi gavio, vika viu kunina igulu mu kirivwa yiki viali munane.

Ezekieli 40:33

Ving'oze viu musikari, ving'oze viu muvwingiliru, kandi madigi gu mugati viali ni ligera lilala liere kuli virivwa vindi. Madirisha gaali mu kandi gaali mu, ving'oze viu muvwingiliru. Ligera liu vutambi vwosi liali zimita makomi gaviri na zitano, kandi ligera liu vuvambalaru liali zimita likomi na ziviri ninusu.

Ezekieli 40:34

Keng'oze chu muvwingiliru chahenzana nu mugizi gwi chova, kandi misaala ja makindu ijavazwa jali ku madigi gavio. Vika viu kunina igulu mu kirivwa yiki viali munane.

Ezekieli 40:36

Kirivwa yiki chaali ni ving'oze viu musikari, madigi gu mugati; keng'oze chu muvwingiliru kandi madirisha. Uvutambi vwacho vwali zimita makomi gaviri na gatano, na uvuvambalaru vwacho vwali zimita likomi na ziviri ni nusu.

Ezekieli 40:37

Keng'oze chu muvwingiliru chaali kolovega lwu mugizi gwichova. Misaala ja makindu ijavazwa jali ku madigi gumugati. Vika viu kunina igulu mu kirivwa yiki viali munane.

Ezekieli 40:7

Imbiri wacho vwaliyo uvwingiliru uvwali ni ving'oze vivaga viu musikari kuzimbega ziosi. Vuli keng'oze chaali zimita 3 vugalamu, na madigi hagati hi ving'oze yivi gaali zimita 2 ninusu uvuliduhu. Olovega lundi lwi ving'oze viu musikari yaliho ninzira zimita 3 uvugalamu iyazizaa mu vwingiliru vwe keng'oze chahenzana ni Litembeli.

Ezekieli 41:18

ni misaala ja makindu kandi nivilombe viezimbaha iviavazwa. Misaala jumunazi jisundilanaa na vakerubi, kilala chalondaa kindi mu likumbiriza ekeng'oze. Vuli mukerubi yaali nilifana haali kaviri:

Ezekieli 41:25

Misaala jiminazi na vakerubi vaali ni vavazwa kumiliango jahavundu Hatakatifu, kuli avaari ku madigi. Kandi haali ho ni kikuniku chu lubaho chakinga kolovega lwi inzira yumuliango muvwingiliru vwikeng'oze.

Ezekieli 41:26

Madigi gu mukeng'oze yiki gaali na madirisha makuzuzu, kandi gwang'olwa ku musaala gwu munazi gwaali nigwavazwa.

Ezekieli 41:3

Maku yazia mu keng'oze chu mugati ligali. Yaagera inzira izizaa mu: yaali imiita indala vuvambalaru kandi zimita 3 vutambi, na madigi ku vuli lovega uvuliduhu vwi 3 ninusu.

Ezekieli 42:3

Kolovega lulala yahenza muvwiyangu izimita 10 uvuvambalaru uvwali himbi ku Litembeli, kandi kolovega lundi yahenza munzira yu mu mugizi gwi ichova. Yumbakwa kovoreng'anu vuvaga, vuli indala yaasingirizwa inyima kuvita yaali isi wayo.

Yohana 5:2

Mu Jerusalemi ahimbi ni Kirivwa cha Magondi, liali ho lidavalia lia amazi ilialangangwa mu luheburaina, Bezisaza, liali nizisimbu zitano.

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

Likunula 7:9

Inyima wi ivindu yivi, henza ndaalora kiduma ekenene chu umundu atanyala kuvaliza, nikitulaa ku zihiiri ziosi, nuku vandu vosi, nuku zinimi ziosi, nikisingi imbiri wendeve yu uvwami kandi imbiri wu Mwana wi Ligondi, niviviiki ziganza zindavu kandi avaari na amatu gamakindu mu amakono gaavo.