Ezekieli 40:10 - KITABU KITAKATIFU

¹⁰ Vialiho niving'oze via vasikari 3 ku vuli lovega lwi kirivwa chi Ivugwi, na viosi viali ni ligera lilala, kandi vigutu ku zimbega ziosi viali ni ligera lilala.

Ezekieli 40:10 ပူးပေါင်းရင်းမြစ်များ

Ezekieli 40:11

Maku yaagera inzira yu mu kirivwa, na yaali zimita 6 ninusu uvuvambalaru. Kandi yaagera kirivwa na chaali zimita 5 uvuvambalaru.

Ezekieli 40:21

Yaagera ving'oze 3 viu musikari iviali ku zimbega ziosi zie kirivwa, amadigi gaali mugati, kandi ving'oze viu vwingiliru, na viosi viali nu ligera lilala liere kuli iviali mu kirivwa chi Ivugwi. Ligera liosi liu vutambi vwi kirivwa liali zimita makomi gaviri na zitano, nu vuvambalaru vwa cho vwali zimita likomi na ziviri ninusu.

Ezekieli 40:29

Ving'oze viu musikari, ving'oze viu vwingiliru kandi madigi gacho viali ni ligera lilala liere kuli virivwa vindi. Madirisha gaali mu ving'oze viacho, uvutambi vwali zimita makomi gaviri na zitano, uvuvambalaru vwali zimita likomi na ziviri ninusu.

Ezekieli 40:44

Maku mundu uyu yambira mugati mwu mugizi. Mumugizi yigu, vialimu ving'oze viviri, keng'oze kilala chaali kolovega lwi Isavaalu kolovega lwi kirivwa chi Ivaale, nikindi chaali kolovega lwi ivaale kolovega lwi kirivwa chi Isavaalu.

Ezekieli 40:7

Imbiri wacho vwaliyo uvwingiliru uvwali ni ving'oze vivaga viu musikari kuzimbega ziosi. Vuli keng'oze chaali zimita 3 vugalamu, na madigi hagati hi ving'oze yivi gaali zimita 2 ninusu uvuliduhu. Olovega lundi lwi ving'oze viu musikari yaliho ninzira zimita 3 uvugalamu iyazizaa mu vwingiliru vwe keng'oze chahenzana ni Litembeli.

Ezekieli 40:9

Kandi yaagera vigutu vie kirivwa, na viali imiita indala. Lusimbu lwi kirivwa lwa henzana ni Litembeli.