Ezekieli 4:14 - KITABU KITAKATIFU

¹⁴ Maku ndaamutivulira, “Ah Mwami Munene Yahova! Inzi sindayeyononyia ku kali hakuzu mba. Kutura mu vosooleri vwange kuduuka kalunu ndi, inzi sindaalia ku kindu choosi chaakuza anoho ichiitwa ni zinyama ziu muvulimu mba, anoho si ndaaliaku inyama yukuvihiririza mba.”

Ezekieli 4:14 ပူးပေါင်းရင်းမြစ်များ

Kutwula 22:30

Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 22:31

“Munyi muveeye avandu vange vatakase. Kulwayago, simulalia inyama yumutugu gwosi gumali kwitwa nizinyama ziu muvulimu mba, zinyama yizio muhaane ku zimbwa zilie.

Isaya 65:4

Ing'inga yu vudiku vazizaa mu vilindwa kwenya zing'anagani kutura ku miroho ja vandu vakuza. Valiza zinyama zie zimbizi, kandi vanwa umunyu golombeywi kutura ku zinyama zihaanwa ku avanyasaye kuli ivisiuviliru.

Isaya 66:17

Yahova avoora, “Keheri keveeye ahimbi ku yavo avitakasa aveene lisigamira misambwa, kandi avazizaa mu milimi jukusigamira nivalonda yavo misambwa avalizaa zinyama zie zimbizi, kandi zinyama zia amajungu harara ni zinyama zindi ziu kuvihiliriza.

Jeremia 1:6

Maku ndaavoora, “Ai, Yahova Nyasaye! Henza, inzi si manyi kumoloma mba, kigira mbeeye vuzwa mwana mukekeeke.”

Ezekieli 20:49

Maku ndaavoora, “O, Yahova Wuvunyali! Avandu vavoola ndi, uyu aveeye mundu omoloma mu zing'ano?”

Ezekieli 4:15

Kunangwa Nyasaye yambolera, “Vulahi ligali. Ndaleka uvuguli isingu utumikiri kolomba umugadi havogono ha mavi.”

Ezekieli 44:31

Avasaalisi sivalalia linyonyi liosi anoho inyama yoosi ikuzi yene anoho inyama imali kwitwa ni inyama yindi yu muvulimu mba.”

Ezekieli 9:8

Lwa vaali nivazizagilira kwita, inzi ndaahononoka. Ndaagwa hasi mamumama kandi nindira nembora, “Mwami munene Yahova, ivi oveeye nu vutima ligali na vandu va Jerusalemi na uzizaa kwita vuli mundu woosi uwatigala mu Isiraeli?”

Danyeli 1:8

Navuzwa Danieli yatovola avuli kwivika muvudamanu kigira lilia viukulia viu mwami anoho kunwa iwaini yeeye. Kunangwa yateeva Ashipenazi amuvugiliri avuli kwivika nuvudamanu.

Kyavalevi 17:15

Mundu woosi ulia inyama imali kukuza yene anoho yi inyama yindi yu muvulimu yiiti, kuduuka afuuyi zinguvu zizie kandi yisingi na alava mudamanu kuduuka hamugorova.

Kyavalevi 19:7

kigira eveeye indamanu; na niiva kedonye choosi chinyama kilaliivwa ku lidiku lia kavaga, sindavugilira kihanwa yicho mba.

Kyavalevi 22:8

Sialalia inyama ikuzi yene anoho yitiywi ninyama yumbulimu mba. Ilamukola mudamanu. Inzi mbeeye Yahova.

Vikolwa 10:14

Petero yativura navoora, “Awa, Mwami, inzi ngikiri kulia ku ikindu kivi anoho kidamanu mba.”

Kwidzulitsa 14:21

“Mutalia inyama ya munyoora nikuzi iyeene mba. Munyala kuhaana kuavageni vamenya hagati hinyu valie; anoho munyala kugulizira avageni vandi. Navuzwa munyi muveeye avandu va Yahova Nyasaye winyu. “Mutasinzi kememe chimbuli anoho ligondi nikinuuna mba.

Kwidzulitsa 14:3

“Mutalia kindu choosi cha Yahova yavoola keveeye kidamanu mba.