Ezekieli 39:7 - KITABU KITAKATIFU

⁷ Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Ezekieli 39:7 ပူးပေါင်းရင်းမြစ်များ

Zaburi 103:1

O, nzizominyaa Yahova nu mwoyo gwange gwosi, nizominyaa lieta lilie litakatifu!

Kutwula 20:7

“Mutatumikiri lieta liange vuzwa mba, kigira Inzi, Yahova Nyasaye winyu, ndahaana amageri ku mundu woosi utumikira lieta liange vudamanu.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 45:11

Yahova, Mutakatifu wa avandu va Isiraeli kandi mulombi wavo avoora, “Munyi simuveeye nuvunyari koteeva amateeva kigira avana vange mba, anoho simunyala kombolera aganyala kokora mba!

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 20:39

Yahova Wuvunyali avoora, “Kalunu munyi mwosi avandu va Isiraeli, muzie mundu mulala samulala atumikiri vifananyi vivie! Navuzwa mwiganihizaa ndi, inyima wa yaga, mulatia Inzi kandi mulalekera kwonogonyia lieta liange litakatifu nu kuhaana vihaanwa ku vifananyi vienyu.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Ezekieli 36:23

Lwa manyia zihiiri uvutakatifu vwi lieta liange linene, ilieta liamwononyia hagati hi zihiiri, maku zilakamanye ndi, Inzi mbeeye Yahova. Inzi Yahova Wuvunyali mali kovora. Ndatumikira munyi avandu va Isiraeli kumanyia zihiiri ndi Inzi mbeeye Mutakatifu.

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Ezekieli 39:8

Yahova Wuvunyali avoora, “Lidiku lizaa lie vindu yivi vilakekoleke.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.