Ezekieli 39:4 - KITABU KITAKATIFU

⁴ Goga harara ni liihi lilie kandi vandu veve vosi valakuzira ku vigulu via Isiraeli. Ndaleka manyonyi kandi zinyama ziu muvulimu kulia miviri jaavo.

Ezekieli 39:4 ပူးပေါင်းရင်းမြစ်များ

Isaya 14:24

Yahova Wuvunyali wisuhi ndi: “Ga inzi mali kolohiza galakoleka, kandi ga mali kotovola gekoleke galekoleka.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 25:33

Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Ezekieli 29:5

Nangusiuvi muchangalangwe harara ni zisuzi yizio ziosi. Muviri gugwo nagugwi kumalova kandi si naguyavilwi mba. Nambane muviri gugwo ku zinyama ziu muvulimu na manyonyi gu muvwerefu kugulie.

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Ezekieli 35:8

Ndakunika vigulu viosi ni miviri ja vakuzu, kandi miviri ja yavo aviitirwa mu vulwani jirakunika amavoona goosi, kandi jirasiuvwa mu migera ja mazi.

Ezekieli 38:21

Nangore Goga kuva nuvuti kandi kivi choosi. Inzi Yahova Wuvunyali mali kovora, avandu veve valakitane aveene ku aveene.

Ezekieli 39:5

Valakuzira mu kiguti havulavu. Inzi Yahova Wuvunyali mali kovora.

Nahum 3:3

Avasaza vi zibarasi ziu vulwani vingilira, vivavi na matimu vihemahemaa! Miviri javakuzu jivungi kuli kitumi, miviri minyingi ligali jitanyala kuvalizwa. Avandu vagenda ni vikigitara kujo!