Ezekieli 39:3 - KITABU KITAKATIFU

³ Maku ndaduya uvuta vwivwe vutuli mu mukono gwigwe mumosi kandi mivano jije ju vuta jituli mu mukono gwigwe mulungi.

Ezekieli 39:3 ပူးပေါင်းရင်းမြစ်များ

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:9

Aherizaa uvulwani ku lirova liosi; Avunanyia uvuta, kandi yononyia amatimu kandi asambaa zinguva.

Zaburi 76:3

Hazana yaho yavunanyia mivano juvuta ja vasigu. Yavunanyia zinguva ni vivavi viavo, yee, kandi viugi viavo viosi.

Zaburi 76:4

O, Nyasaye, ivi oveeye wuvukumi ligali! Ivi oveeye kuli umwami munene, wiranaa kutura mu vigulu umwa waguutira avasigu vovo.

Ezekieli 30:21

Yavoola, “Mwana wu Mundu, mali kuvunanyia mukono gwu mwami wa Egebeti. Siaveeyeho nu mundu wagovohelera ni zibendegi anoho kuguviika lukanda, kunangwa guduuki kohona kandi gove nizinguru kugumira kivavi mba.

Ezekieli 39:2

Ndamugirung'anyia muhiri kolovega lundi kutura ihale wa Ivaale kuduuka ku vigulu via Isiraeli.

Hosea 1:5

Ku ing'inga yene yeyo, ndadiviza zinguru zie liihi lia Isiraeli mu livona lia Jezireeli.”

Amosi 2:15

Kandi avasaza vovuta sivalasingira, avezimbiru sivalanyagula kwehonyia, kandi vasaza vi zibarasi sivalahonyia livamwoyo liavo, ku lidiku liene yilio.