Ezekieli 39:28 - KITABU KITAKATIFU

²⁸ Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Ezekieli 39:28 ပူးပေါင်းရင်းမြစ်များ

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Ezekieli 34:30

Vuli umundu namanye ndi inzi soolaa vandu va Isiraeli kandi vaveeye avandu vange. Inzi Mwami Munene Yahova mali kovora.

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 39:27

Lwa nanziranyie avandu vange kutura mu zihiiri kandi kutura muvivala via vasigu vaavo, namanyie zihiiri zinyingi ndi, inzi mbeeye Mutakatifu.

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.