Ezekieli 39:11 - KITABU KITAKATIFU

¹¹ Yahova yavoola, “Lwayaga galakekoleke, ndakahaane ku Goga havundu haliyavilwa mu Isiraeli; mu livona lia vandu avavitaa Ivugwi kolovega lwinyanza yi jumbi. Goga harara ni liihi lilie valakayavilwi wene yeyo, virindwa viavo vilakigaliri inzira ya yavo avavitaa. Havundu yaaha halakalangwe ‘Livona lie liihi lia Goga.’

Ezekieli 39:11 ပူးပေါင်းရင်းမြစ်များ

Kutwula 8:14

Avandu va Egebeti vagavungiza mu vitumi vinene, kuduuka kivala choosi nikifwunya uvugundu.

Ezekieli 38:2

Yavoola, “Mwana wu Mundu, oporofete vudamanu vwa Goga, mwamihi munene wi zihiiri zia Mesheki na Tubali mu kivala cha Magogi. Oporofete vudamanu vwivwe,

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Ezekieli 39:12

Avandu va Isiraeli valakayaviri miviri mikuzu ku mieli saba, kunangwa vaduuki kunihiza kivala kandi.

Ezekieli 39:15

Lwa valakave nivavitira hagati hi kivala, niiva mundu alalola kigumba chu muviri gwakuza, valaviikaku kelolero, kunangwa avayaviri vaduuki kukivugula nu kukiyavira mu livona lie liihi lia Goga.

Ezekieli 47:18

“Ko lovega lwi Ivugwi, ulwako lulatula Hazarenoni, hagati hu lwako lwa Haurani na Damasiko, kolonda ku mugera gwa Jorodani hagati ha Gileadi ni kivala cha Isiraeli. Lwako yilu lulavitira kandi ko lovega lwi Ivugwi wi Inyanza yi Jumbi kuduuka Tamara.

Livalidza 11:34

Kulwayago, havundu yaaha halangwa lieta “Kibirozi Hataava”, kigira vaayaviraho miviri ja vandu avaari ni likayirwa lie zinyama.

Livalidza 34:11

Maku lulazia Isavaalu kuduuka Habeli Ivugwi wa Aini, kandi kuduuka ku vigulu vie Ivugwi wi kivala keveeye ahimbi ninyanza ya Galilaya

Luka 5:1

Lidiku lilala Yeso yaali nasingiyi kulujinga lwinyanza ya Genesareti, kiduma cha avandu vanyingi vamukumbiriza, kandi nivahulirizaa likuva lia Nyasaye.

Yohana 6:1

Inyima wa yaga, Yeso yambuka inyanza ya Galilaya eveeye ni lieta lindi Inyanza ya Tiberia.