Ezekieli 39:10 - KITABU KITAKATIFU

¹⁰ Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Ezekieli 39:10 ပူးပေါင်းရင်းမြစ်များ

Kutwula 12:36

Yahova yalomba vandu va Egebeti nivahaana luyali ku vandu va Isiraeli kandi nivavaha ivia vavateeva. Munzira yiyi, vandu va Isiraeli vaavugura uvutugi vwa vandu va Egebeti.

Kutwula 3:22

Vuli mukali wa Isiraeli, alazia ku mutende weve mu Egebeti nu ku mukali woosi Umwegebeti omenyi munyumba yeeye amusave zinguvu kandi viju vie izahabu ni ifeza. Avandu va Isiraeli valaviika vindu yivi ku avayaayi na vakana vaavo na valazia nuvutugi vwa vandu va Egebeti.”

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Ezekieli 39:11

Yahova yavoola, “Lwayaga galakekoleke, ndakahaane ku Goga havundu haliyavilwa mu Isiraeli; mu livona lia vandu avavitaa Ivugwi kolovega lwinyanza yi jumbi. Goga harara ni liihi lilie valakayavilwi wene yeyo, virindwa viavo vilakigaliri inzira ya yavo avavitaa. Havundu yaaha halakalangwe ‘Livona lie liihi lia Goga.’

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Zekaria 14:14

Avasaza vi Ivuyuda valakalwaane no kosoola Jerusalemi. Valakavuguli vutugi vwi zihiiri zindi kuli vilaanye, vindu kuli izahabu, ifeza kandi zinguvu zinyingi.

Matayo 7:2

Kuli mukalagiraa avandi, munyi kandi mulakalagirwa ndio; nekegero cha mugereranga mu avandi, nicho cha Nyasaye alimugerera mu.

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.