Ezekieli 37:6 - KITABU KITAKATIFU

⁶ Ndamuha imichi kandi zinyama, kandi ndaviika ku munyi ligodo. Ndahuuza mwika mu munyi na mulava mwoyo kandi. Maku namumanyirizi ndi Inzi mbeeye Yahova.”

Ezekieli 37:6 ပူးပေါင်းရင်းမြစ်များ

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

1 Avami 20:28

Muporofeti yazia ku mwami Ahabu navoora: “Yiki nicho cha Yahova avoora; ‘Kigira Vandu va Siria vavoola ndi inzi ni Nyasaye wivigulu navuzwa simbeeye Nyasaye wivileremo, ndakuha vuguuti ku liihi liavo linene, ivi na vandu vovo mulamanya ndi inzi mbeeye Yahova.’ ”

Zaburi 104:30

Navuzwa lwa ivi wilanyia mwika muvio, vivezaa ni livamwoyo kandi; kandi uhaanaa livamwoyo lihia ku lirova.

Kutwula 6:3

Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Ezekieli 11:10

kandi na mwitilwi mu vulwani mu kivala chiinyu. Maku vuli mundu namanye ndi inzi mbeeye Yahova.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 32:15

Lwa ndakakole kivala cha Egebeti kuva hazwa, kandi lwu vutugi vwosi vulakavugulwi kandi lwa nandakadivizi avandu vosi avamenyi mucho, hene yaho valakamanye ndi Inzi mbeeye Yahova.

Ezekieli 34:27

Misaala jilakame makuyu, milimi jilakame vitagwa, kandi vuli mundu alakamenye mu mirembe mu kivala chiche mwene. Lwa nambunanye minyororo ja vandu vange nu kuvavoholola kutura ku yavo avavakola avatugwa, maku navamanye ndi, Inzi mbeeye Yahova.

Ezekieli 35:12

Maku mulakamanye ndi, Inzi Yahova ndahulira manyego ginyu ku vandu va Isiraeli lwa mwavoora ndi: vatigaye hazwa kandi vahaniyiwi ku munyi kuvadiviza.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 35:9

Ndamukora kuva hazwa mihiga ni mihiga, mundu kali mulala si alakamenye mu madaala ginyu kandi mba. Maku mulakamenye ndi, Inzi mbeeye Yahova.

Ezekieli 37:14

Ndakahuuzi mwika gwange muvo, na mbakole navave mwoyo, kandi ndavaleka vamenye mu kivala chavo aveene. Maku navamanye ndi, inzi mbeeye Yahova. Mali kulaga ndi ndakora yaga, kandi ndakora. Inzi, Yahova, mali kovora.”

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 39:28

Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Ezekieli 39:6

Ndahambiza muliru mu kivala cha Magogi kandi ku visulu viosi iviveeye ahimbi ninyanza, wa vandu vamenyi mu mirembe. Vuli mundu woosi alakamanye ndi, inzi mbeeye Yahova.

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Joeli 2:27

Maku, Isiraeli, mulamanya ndi inzi mbeeye harara ni munyi, kandi inzi, Yahova, mbeeye Nyasaye winyu, kandi siaveeyeho na Nyasaye wundi mba. Na vandu vange sivalachaywa kandi mba.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Kwidzulitsa 29:6

Simwali numugadi gwu kulia anoho iwaini anoho chukunwa kilulu mba, navuzwa Yahova yamuhaanira kolondekana ni lienya kunangwa aduuki kumwigiza ndi aveeye Nyasaye winyu.