Ezekieli 37:28 - KITABU KITAKATIFU

²⁸ Lwa ndakaviiki Litembeli liange wene yeyo kuva harara navo mihiga ni mihiga, maku zihiiri zilakamanye ndi, inzi Yahova mali kotovola vandu va Isiraeli kuva vandu vange.”

Ezekieli 37:28 ပူးပေါင်းရင်းမြစ်များ

Zaburi 102:15

Zihiiri valatia Yahova. Avami vosi vilirova valatia zinguru zizie.

Zaburi 126:2

Kwaaseka nikwiimba ligali kigira uvusangari! Maku avandu vi zihiiri zindi vavoola: “Yahova uvakoleeye vindu vinene ligali.”

Zaburi 79:10

Kigira ki avandu vi zihiiri vakoteeve ndi, “ Nyasaye winyu aveeye haliha?” Leka kolole ivi nuhaana amageri ku zihiiri yizi kigira vamali kwita avatumikiri vovo.

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Kutwula 25:8

Kuduuka avandu vanombere lihema hatakatifu, kunduuki komenya hagati haavo.

Kutwula 31:13

avolere avandu va Isiraeli ndi, “Mulindi lisabato, lidiku liange liokososa, kigira liveeye kelolero hagati hange ni munyi, ku zing'inga ziosi ziza, ukumanyia ndi, Inzi Yahova, mali kumukola muve avandu vange.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Ezekieli 20:12

Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Ezekieli 36:23

Lwa manyia zihiiri uvutakatifu vwi lieta liange linene, ilieta liamwononyia hagati hi zihiiri, maku zilakamanye ndi, Inzi mbeeye Yahova. Inzi Yahova Wuvunyali mali kovora. Ndatumikira munyi avandu va Isiraeli kumanyia zihiiri ndi Inzi mbeeye Mutakatifu.

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Ezekieli 38:1

Yahova yamoloma ninzi kandi.

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Ezekieli 39:23

Zihiiri zilamanya ndi, avandu va Isiraeli vazia mu lihaminywa kigira uvwoni vwa vaangolera. Ndaagirung'ana kutura kuvo kandi nindeka avasigu vaavo ni vavaguuta kandi ni vavitira mu vulwani.

Ezekieli 39:7

Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Kyavalevi 20:8

Mugumiri malago gange nokugakola. Inzi mbeeye Yahova, umutakasaa.”

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 26:11

Ndamenya hagati hinyu mu Lihema liange litakatifu, kandi sindagirung'ana kutura ku munyi mba.

Zefania 3:15

Yahova umali koheriza kuhaana mageri ku munyi kandi umali kutuliza ho avasigu vinyu vosi. Yahova, mwami wa Isiraeli aveeye harara ni munyi; si mulava nu vuti kandi mba.

Matayo 23:17

Avavoku vasiru munyi! Ekenene ku ni kiliha, izahabu anoho Litembeli likora izahabu eve indakatifu?

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.