Ezekieli 37:21 - KITABU KITAKATIFU

²¹ Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 37:21 ပူးပေါင်းရင်းမြစ်များ

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Jeremia 16:15

Nitali valakisuhi ku inzi kuli Nyasaye oveeye mwoyo uwaleeta avandu va Isiraeli kutura mukivala chi Ivaale kandi kutura muvivala vindi viosi viandaali nindavasalanyiramu. Inzi ndakaviranyie mu kivala chavo aveene, mukivala chandaha kuvaguuga vaavo. Inzi Yahova mali kovora.”

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Jeremia 31:17

Lisuuvirizwa liveeyeho ku ing'inga yinyu yiza; avana vinyu valakirane hango haavo. Inzi, Yahova mali kovora.

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 33:7

Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Jeremia 50:19

Inzi ndiranyia avandu va Isiraeli mukivala chavo. Navalie viukulia viviruka ku kiguru cha Karimeli kandi numukivala cha Bashani. Navalie viosi viaveenya kutura ku vitagwa viviruka muvivala via Efuraimu na Gileadi.

Ezekieli 34:13

Nangatulizi muvivala vigeni, nukugavungiza harara, kandi nangalete mu kivala chago ageene. Ndakagimiliri kuzia mu vigulu kandi mu togera twa Isiraeli kandi na ngayizi mu vwayiru vulahi.

Ezekieli 36:10

Ndamukora avandu vosi va Isiraeli komeedeka. Mulamenya mu madaala manene kandi mulumbaka uvuhia havundu hoosi ahaali nihagwa amang'anye.

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 37:20

“Ugumiri mu mukono gugwo vibaho viviri ma oleke avandu vavilore.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Ezekieli 39:27

Lwa nanziranyie avandu vange kutura mu zihiiri kandi kutura muvivala via vasigu vaavo, namanyie zihiiri zinyingi ndi, inzi mbeeye Mutakatifu.

Ezekieli 39:28

Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Nahum 2:2

Yahova aveeye ahimbi kwilanyia vukumi vwa Isiraeli, kuli vaali kale avasigu vaavo ni vakikiri kuvadiviza.

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.