Ezekieli 36:37 - KITABU KITAKATIFU

³⁷ Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Ezekieli 36:37 ပူးပေါင်းရင်းမြစ်များ

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 102:17

Alavugilira lisaala lia vadaka, kandi alahuliriza ku lianira liavo.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Ezekieli 14:3

“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Ezekieli 20:3

“Mwana wu Mundu, moloma ku vimiliri va Isiraeli na uvavoolere aga inzi Yahova Wuvunyali mboraa: Munyi muuzi ku inzi kwenyeleriza vulaliri vwange? Kuli inzi mbeeye ligali Nyasaye omenya, sindavugilira munyi kondeeva kindu kali kilala mba. Inzi Mwami Munene Yahova mali kovora.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Ezekieli 36:38

Amadara gaveeye kalunu amang'anye, galavamu na vandu vanyingi kuli Jerusalemi yaali na magondi amanyingi agahaanwa kuva kuli kisiuviriru ku lidiku lie lisavo. Maku avandu yava valakamanye ndi, Inzi mbeeye Yahova.”

Danyeli 2:18

Danieli yavavolera vasaale ku Nyasaye wu Mwigulu kuvaha zimbavasi kandi kumuteeva avivaaliri a gimbisu gokogenyia kunangwa vavuli kwitwa harara na vageri vandi va Babiloni.

Mika 2:12

“Navuzwa ndamuvungiza harara ligali, avandu vosi va Isiraeli avatigara. Ndamuvungiza harara kuli amagondi gilanaa mu kego. Kuli chayo chizuuyi amagondi, kivala chienyu kilava kandi na vandu vanyingi.”

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Kwidzulitsa 30:5

kunangwa muduuki kuvugura kivala cha avaguuga vinyu vamenya mu maziambiri. Kandi alamukola muve vanyingi ligali kuvita avaguuga vinyu.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

1 Yohana 5:14

Yivu nu vuluviliri vwa koveeye navwo imbiri wa Nyasaye. Niiva kulamuteeva kindu choosi kolondekana nu vulaliri vwivwe akuhuliraa.