Ezekieli 36:3 - KITABU KITAKATIFU

³ “Maku oporofete kandi ulandizi aga Inzi Yahova Wuvunyali mboraa. Lwi zihiiri zindi ziamwingilira kutura ku zimbega ziosi, kandi nivamunyaga miandu jinyu jiosi, vosi vaamunyega.

Ezekieli 36:3 ပူးပေါင်းရင်းမြစ်များ

Zaburi 35:25

Utaleka vevoolere aveene ndi, “Kalunu kumali konyoora cha kwenyaa, kumali kuvamala.”

Zaburi 61:1

O, Nyasaye, hulira lilira liange. Huliriza ku lisaala liange;

Zaburi 69:12

Vamoloma makuva gange kuzinzira, kandi avahambiku valomba zinyimbu ku inzi.

Zaburi 79:10

Kigira ki avandu vi zihiiri vakoteeve ndi, “ Nyasaye winyu aveeye haliha?” Leka kolole ivi nuhaana amageri ku zihiiri yizi kigira vamali kwita avatumikiri vovo.

Zaburi 79:4

Zihiiri zia kumberiza kunyi zikonyegaa vuli kazozo, zi kosekeliza nu kokokolera kehenyahenye.

Tsing'ano 1:12

Vanyara kuva mwoyo kandi valamu lwakuvanyoola, navuzwa valava vakuzu lwa kuva nikwakayinzira ku vo.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 52:1

Zedekia yaali ni mihiga 21 lwa yagwa mwami wi Ivuyuda, na yamiha mu Jerusalemi ku mihiga 11. Mama weve yaali Hamutali, mukaana wa Jeremia kutura mu lidaala linene lia Libuna.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Lisyoma lya Jeremia 2:5

Yahova amali kudiviza Isiraeli kuli umusigu. Yadiviza kali zinyumba ziu uvwami vwavo kandi zimbinga zie lidaala linene ziatigala mang'anye. Yameda ku vandu vi Ivuyuda lisioma kandi liverera linyingi.

Lisyoma lya Jeremia 3:62

Vamoloma kuinzi lidiku liosi nokolomba lilohiza liavo liumuvwivisu kunzita.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 13:10

“Avaporofeti vagotiza avandu vange nu kuvavoolera ndi goosi gaveeye amalahi lwa goosi gataveeye amalahi mba! Avandu vange vumbaka lidigi lia magina, navuzwa avaporofeti yava vazaa mavalikunika novodohi uvulavu.

Ezekieli 35:13

Inzi mali kuhulira liegingira lienyu, nu kovora, makuva madamanu ku inzi.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Kyavalevi 26:43

Navuzwa avandu valaleka kivala zana, kandi kesoose nokusangalira masabato lwa chaali king'anye, vugira yavo. Ing'inga yeyo vahevwa mageri kigira vwoni uvwavo, kigira vasuura malago kandi vachaya miigizu gange.

Obadia 1:13

Ng'ano mwavura kwingira mu lidaala linene lia vandu vange nokohenzelera vusaliri vwavo; Ng'ano mwavura kuvugura vutugi vwavo ku lidiku liavo lie kivi.

1 Vakorintho 4:13

Lwa kuginangwa, kutivula vulahi novogoosi. Kuduuka lero, kokoleywe vuzwa kuli amandu gi lirova. Kufananyiywi kuli vandu vataveeye no vokonyi kandi avadamanu ligali.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.