Ezekieli 36:29 - KITABU KITAKATIFU

²⁹ Ndakamuhonyie kutura ku vudamanu vwosi. Ndahaana viukulia vinyingi ku munyi na si mulava ninzara kandi mba.

Ezekieli 36:29 ပူးပေါင်းရင်းမြစ်များ

Zaburi 105:6

O, munyi visukululwi via Aburahamu mutumikiri weve; O, munyi visukululwi via Yakobo, mutovole weve!

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Jeremia 33:8

Ndatakasa uvwoni vwa vamali kongolera vwosi, kandi ndasamiiha uvwoni vwavo vwosi vwa vamali kwibaala ku inzi.

Ezekieli 34:13

Nangatulizi muvivala vigeni, nukugavungiza harara, kandi nangalete mu kivala chago ageene. Ndakagimiliri kuzia mu vigulu kandi mu togera twa Isiraeli kandi na ngayizi mu vwayiru vulahi.

Ezekieli 34:14

Nangakole nagaye mu lisoolwa mu vulimu vwu mu kiguru kandi mu mavoona nu muvwayiru vwosi vulahi vwi kivala cha Isiraeli.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Ezekieli 37:23

Si naveyonogonyie nivifananyi viavo viukuvihiliriza, anoho kweyonogonyia nuvwoni mba. Nambahonyie kutura mu vwoni vwavo vwosi. Nambakore kuva avasereze. Navave avandu vange kandi inzi nambe Nyasaye wavo.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Mika 7:19

Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.