Ezekieli 36:19 - KITABU KITAKATIFU

¹⁹ Ndaavakalagira kolondekana ni limenya liavo kandi ni vikolwa viavo, kandi ndavasalanyia hagati hi zihiiri mu vivala vigeni.

Ezekieli 36:19 ပူးပေါင်းရင်းမြစ်များ

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 22:15

Inzi ndasalanyia avandu vinyu mu vuli kivala kandi ihiiri kandi ndaheriza vikolwa vienyu vidamanu.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 39:23

Zihiiri zilamanya ndi, avandu va Isiraeli vazia mu lihaminywa kigira uvwoni vwa vaangolera. Ndaagirung'ana kutura kuvo kandi nindeka avasigu vaavo ni vavaguuta kandi ni vavitira mu vulwani.

Ezekieli 39:24

Ndaavakolera kolondekana nu vudamanu vwavo kandi vuchamu vwavo, kandi ndaagirung'ana kutura kuvo.”

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 7:8

“Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Kyavalevi 26:38

Mulakuzira mu kivala chovogeni, na mulayavilwa mu kivala cha avasigu vinyu.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Mika 2:10

Muturi yaaha na muzie; hano sihaveeyeho ni likingwa kandi mba. Uvwoni vwinyu vumali kwononyia havundu hano nu kuhadiviza.

Varumi 2:6

Mu lidiku yilio, Nyasaye alakatungi vuli mundu woosi kolondekana ku miyinzi jije.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.