Ezekieli 36:11 - KITABU KITAKATIFU

¹¹ Ndakora vandu kandi zing'ombe komedeka. Mulava avanyingi kuvita maziambiri. Ndaleka mumenye mu kivala yiki kuli mwamenyaa mucho maziambiri; kandi ndamukora kuva vatugi kuvita ing'inga yindi yoosi. Maku mulakamanye ndi inzi mbeeye Yahova.

Ezekieli 36:11 ပူးပေါင်းရင်းမြစ်များ

Ayubu 42:12

Yahova yagasiza Ayubu mu keheri chi livamwoyo lilie kali kuvita lwa yaali ni yamugasiza mu litanga. Ayubu yaali na magondi zielefu likomi na gane, zing'amia zielefu sita, zing'ombe ziokulima zielefu ziviri, ni zisukiri elefu indala.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 31:27

“Inzi, Yahova, mboraa ndi ing'inga yiza lwandikora kivala cha Isiraeli ni Ivuyuda kwizura mu na avandu nizinyama.

Jeremia 33:12

Yahova Wuvunyali Vwosi avoora, “Mukivala yiki, ekeveeye kuli ichangalangwi, havundu ha avandu anoho zinyama zitamenyi, kilava kandi uvwayiru vwosi, havundu ha avayi navahile iviayo viavo.

Ezekieli 16:55

Lwi ing'inga yeyo iliduuka, munyi harara navandu va Sodoma na Samaria mulakagasizwi kandi. Avandu vutudaala twosi toveeye ahimbi valakiranywe.

Ezekieli 35:9

Ndamukora kuva hazwa mihiga ni mihiga, mundu kali mulala si alakamenye mu madaala ginyu kandi mba. Maku mulakamenye ndi, Inzi mbeeye Yahova.

Ezekieli 36:35

Avandu yava valakavoole ndi, ‘Kivala yiki ichaali nichatigala hazwa, kalunu kimali kugwa kuli mulimi gwa Edeni. Amadara gaali nigaatigala mang'anye, kandi gadivizwa, kalunu avandu vamenyi mu kandi gumbakiywi zimbinga.’

Ezekieli 37:13

Lwa nangunuli vilindwa uwa vandu vange vaayavirwa kandi nukuvatuliza mu, navamanye ndi, inzi mbeeye Yahova.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Ezekieli 37:6

Ndamuha imichi kandi zinyama, kandi ndaviika ku munyi ligodo. Ndahuuza mwika mu munyi na mulava mwoyo kandi. Maku namumanyirizi ndi Inzi mbeeye Yahova.”

Hosea 2:1

Kunangwa, muvoolere avamwavo vinyu ndi “Avandu va Nyasaye” kandi avavozo vinyu “Yahova yavayanza.”

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Amosi 9:15

Ndiranyia avandu vange Isiraeli mu kivala cha ndaavaha, na sivalatulizwa mu kandi mba.” Yahova Nyasaye winyu umali kovora.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zekaria 10:8

“Ndakalange vandu vange nukuvaviika harara. Ndakavasoole kandi valakave vanyingi ligali kuli valange kale.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Kwidzulitsa 30:5

kunangwa muduuki kuvugura kivala cha avaguuga vinyu vamenya mu maziambiri. Kandi alamukola muve vanyingi ligali kuvita avaguuga vinyu.

Vahebraina 11:40

kigira Nyasaye yavikira kunyi kindu keveeye kilahi ligali lienya lilie liali ndi kove harara naye kunangwa kuduuki kokolwa vaduukiru.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.