Ezekieli 36:10 - KITABU KITAKATIFU

¹⁰ Ndamukora avandu vosi va Isiraeli komeedeka. Mulamenya mu madaala manene kandi mulumbaka uvuhia havundu hoosi ahaali nihagwa amang'anye.

Ezekieli 36:10 ပူးပေါင်းရင်းမြစ်များ

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 61:4

Valumbaka uvuhia madaala manene gi vianyi agasasuguka ku zing'inga zinyingi.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 31:24

Avandu valakamenye Ivuyuda kandi mu madaala gayo, kandi avalimi valakaveyo harara navayi niviayo viavo.

Jeremia 33:12

Yahova Wuvunyali Vwosi avoora, “Mukivala yiki, ekeveeye kuli ichangalangwi, havundu ha avandu anoho zinyama zitamenyi, kilava kandi uvwayiru vwosi, havundu ha avayi navahile iviayo viavo.

Ezekieli 36:33

Yahova Wuvunyali avoora, “Ing'inga ya namwitakase uvwoni vwinyu vwosi, ndakaleke namumenye mu madaala ginyu kandi, nokoleka mwumbake uvuhia havundu hoosi ahatigala mang'anye.

Ezekieli 36:37

Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 37:22

Ndavaha mbanyia harara kuli ihiiri indala mu kivala, kandi valakamenye ku vigulu via Isiraeli. Navave nu mwami mulala uwaza avamihi, si navagavulanywe mu zihiiri ziviri anoho vwamihi vuviri kandi mba.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.