Ezekieli 34:28 - KITABU KITAKATIFU

²⁸ Zihiiri si zilavalanya kandi mba, anoho zinyama ziu muvulimu si zilavadiviza kandi mba. Valamenya mu mirembe, kandi mundu kali mulala sinavatiihizi mba.

Ezekieli 34:28 ပူးပေါင်းရင်းမြစ်များ

Ayubu 11:19

Siulava nuvuti kigira vasigu vovo mba: Avandu vanyingi valakoteeva ovokonyi.

Isaya 32:18

Avandu va Nyasaye valava avavoholore kutura mu lihenda mwoyo liavo. Hango haavo halava hovomenyo vwi likingwa kandi hi mirembe.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 46:27

“Avatumikiri vange visukululwi via Yakobo, mutatia mba, avandu va Isiraeli, mutatiihizwa mba. Inzi ndamusoola kutura mukivala chi ihale yicho, kutura mukivala chamuveeyemu avahambe. Munyi na mwirane yengo kandi namumenye mumirembe; munyi na mukingwi, kandi umundu kali mulala sinamutiihizi mba.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 34:5

Kigira magondi si gaali numwiliri mba, gasalanywa, kandi zinyama zinduru ziu muvulimi ziagiita kandi zigalia.

Ezekieli 34:8

Kuli mbeeye ligali Nyasaye oveeye mwoyo, vwakaveeye vulahi munyi kumbulirizi. Magondi gange gamali kwingilirwa ni zinyama ziu muvulimu; zimali kugiita kandi kugalia kigira mwimiliri si yaali ho mba. Aviimiliri vange si vageriza kwenya magondi gange mba. Vehendera mwoyo aveene vugira kohendera magondi gange.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Ezekieli 36:4

Kunangwa kalunu, muhuliri aga Inzi Yahova Wuvunyali mboraa ku munyi; avandu va Isiraeli avamenyi ku vigulu, kandi kutogera kandi mumavona, kandi avamenyi havundu halekwa kuva mang'anye, kandi avamenyi mu madaala galekwa kandi agavalanywa kandi nimulegerizwa ni zihiiri ziosi iziamukumberiza.

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Hosea 11:11

Valaza vwangu kuli manyonyi kutura Egebeti, kandi valaza vwangu kuli makuulu kutura Asiria. Inzi ndakaviranyie yengo wavo kandi. Inzi Yahova, mali kovora.”

Amosi 9:15

Ndiranyia avandu vange Isiraeli mu kivala cha ndaavaha, na sivalatulizwa mu kandi mba.” Yahova Nyasaye winyu umali kovora.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.