Ezekieli 34:27 - KITABU KITAKATIFU

²⁷ Misaala jilakame makuyu, milimi jilakame vitagwa, kandi vuli mundu alakamenye mu mirembe mu kivala chiche mwene. Lwa nambunanye minyororo ja vandu vange nu kuvavoholola kutura ku yavo avavakola avatugwa, maku navamanye ndi, Inzi mbeeye Yahova.

Ezekieli 34:27 ပူးပေါင်းရင်းမြစ်များ

Ayubu 5:23

Milimi ja mulimaa sijilava mu na magina mba; zinyama ziumbulimu sizilakwingilira kali hakuzu mba.

Zaburi 67:6

Lirova limali kwama ligesa lialio. Nyasaye, Nyasaye wiitu, umali kukugasiza.

Zaburi 85:12

Yahova alahaana uvugasu ku kunyi, kandi kivala chiitu kilava niligesa linyingi.

Tsing'ano 3:24

Siulatia lwa uzia kogona mba, ulagona vulahi ligali mu vudiku vwosi.

Isaya 10:27

Lwa ing'inga yeyo iduuka, ndamuvoholora kutura ku zinguru zia vandu va Siria, na iniira yaavo silava nuvuliduhu ku mavega ginyu mba.”

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 30:8

Yahova Wuvunyali avoora: “Lwa lidiku yilio liliduuka, inzi ndakavunanye iniira eveeye kumagoti gaavo, kandi ndakatulizi minyororo jayo, sivaliva avatugwa vavageni kandi mba.

Ezekieli 28:25

Yahova Wuvunyali yavoola, “Ndiranyia vandu va Isiraeli kutura mu zihiiri uwandavasaranyia, kandi zihiiri ziosi zilamanya ndi, Inzi mbeeye mutakatifu. Avandu va Isiraeli valamenya mu kivala chavo aveene, kivala chandahana ku mutumikiri wange Yakobo.

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Ezekieli 33:29

Lwa nambane mageri ku vandu kigira uvwoni vwavo kandi lwa nangore kivala hazwa, maku navalakamanye ndi Inzi mbeeye Yahova.”

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 36:29

Ndakamuhonyie kutura ku vudamanu vwosi. Ndahaana viukulia vinyingi ku munyi na si mulava ninzara kandi mba.

Ezekieli 36:30

Ndakameeda liama lie misaala ja makuyu kandi ni milimi jinyu, kunangwa inzara silivaho ilimukola kuva nizisoni hagati hi zihiiri mba.

Ezekieli 36:8

Navuzwa misaala jiraviruka kandi ku vigulu via Isiraeli, kandi jilama makuyu kigira vandu vange Isiraeli; munyi muveeye ahimbi kwirana yengo.

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Ezekieli 39:28

Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Ezekieli 47:12

Misaala zing'ano ziosi najiviruki ku vuli luginga lwu mugera kuhaana chukulia. Matu gajo sinaganiare mba, kandi si nagalekele kwama makuyu mba. Naame namakuyu malahi vuli mweli, kigira jisamangwa na mazi gaturaa mu Litembeli. Misaala jilakahaane viukulia kandi matu gajo galakatumiki kohonyia avandu.”

Hosea 11:11

Valaza vwangu kuli manyonyi kutura Egebeti, kandi valaza vwangu kuli makuulu kutura Asiria. Inzi ndakaviranyie yengo wavo kandi. Inzi Yahova, mali kovora.”

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Kyavalevi 26:4

ndamutumira imbura mu ing'inga idukanaa, kunangwa kivala chaame viamo ni misaala jaame makuyu.

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.