Ezekieli 34:26 - KITABU KITAKATIFU

²⁶ “Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Ezekieli 34:26 ပူးပေါင်းရင်းမြစ်များ

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 9:16

Lwa kisaahi kililoleka mu malesi, inzi ndakakelole kandi ndakizulizi lilagana lihindira mihiga ni mihiga hagati ha inzi nivindu viosi viveeye mwoyo ku lirova.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 68:16

Kigira ki mukendekelaa kiguru cha Nyasaye yatovola komenya mu mihiga ni mihiga?

Zaburi 68:9

Ivi waakubiza imbura inyingi, kandi nuwiranyia viamo ku kivala ichaali nichuma kigira mbasu.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Isaya 19:24

Lwing'inga yeyo iliduuka, avandu vi kivala cha Isiraeli valakahambane harara na avandu va Egebeti, na Asiria, ni zihiiri zivaga yizi, zilakave uvugasu ku lirova liosi.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 32:20

Vuli mundu alakave navuyanziki lwa mazi nagaveho muvunyingi agukusama ku vitagwa kandi nuvwayiru vunyingi havundu hoosi vwi zibunda kandi mitugu?

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Ezekieli 20:40

Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 34:14

Nangakole nagaye mu lisoolwa mu vulimu vwu mu kiguru kandi mu mavoona nu muvwayiru vwosi vulahi vwi kivala cha Isiraeli.

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 36:8

Navuzwa misaala jiraviruka kandi ku vigulu via Isiraeli, kandi jilama makuyu kigira vandu vange Isiraeli; munyi muveeye ahimbi kwirana yengo.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Kyavalevi 25:21

Inzi ndagasiza kivala mu muhiga gwa sita kunangwa kiduuki kwama viukulia vitumika ku mihiga giviri.

Kyavalevi 26:4

ndamutumira imbura mu ing'inga idukanaa, kunangwa kivala chaame viamo ni misaala jaame makuyu.

Zekaria 10:1

Muteeve Yahova imbura mu ing'inga yu kutaga mu muhiga. Yahova atumaa malesi gimbula kandi agikubiza, ma emeliza milimi ku vuli mundu.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”

Kwidzulitsa 28:12

Alakubiza imbura mu zing'inga ziayo kutura mwigulu na agasizaa miyinzi jije josi, kunangwa mwegobizi zihiiri zinyingi, navuzwa munyi simulasava kutura kuvo mba.