Ezekieli 34:24 - KITABU KITAKATIFU

²⁴ Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Ezekieli 34:24 ပူးပေါင်းရင်းမြစ်များ

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Jeremia 30:21

Aviimiliri vaavo valatura mukivala chavo chene, avanene vaavo valatura hagati ha avandu vaavo vene. Ndamugerihiza, na alisunda himbi ku inzi, nivwaha unyala kogeriza kuuza vugira kogenihizwa?

Jeremia 30:9

Muvogono yivwo, valakatumikiri inzi, Yahova Nyasaye wavo, kandi chisukululwi cha Daudi, cha nangore mwami.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Ezekieli 21:27

Hazwa! Hazwa! Inzi ndakora lidaala yili kuva hazwa! Navuzwa yaga si galakoleka mba kuduuka mundu uwa inzi mali kotovola kuhaana mageri ku lidaala yaza. Maku inzi ndakamuhe.

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Ezekieli 37:22

Ndavaha mbanyia harara kuli ihiiri indala mu kivala, kandi valakamenye ku vigulu via Isiraeli. Navave nu mwami mulala uwaza avamihi, si navagavulanywe mu zihiiri ziviri anoho vwamihi vuviri kandi mba.

Ezekieli 37:23

Si naveyonogonyie nivifananyi viavo viukuvihiliriza, anoho kweyonogonyia nuvwoni mba. Nambahonyie kutura mu vwoni vwavo vwosi. Nambakore kuva avasereze. Navave avandu vange kandi inzi nambe Nyasaye wavo.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Ezekieli 37:27

Inzi ndakamenyeyo navo. Inzi nambe Nyasaye wavo, kandi valakave avandu vange.

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 44:3

Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Ezekieli 45:7

Umwamihi Munene kandi alanyoola kivala chiche. Kivala yiki kilava kutura ku lwako lwi madioli kolovega lwi kidieli kitakatifu, kilazia imadioli kuduuka ku Nyanza ya Meditareniani; na kutura ku lwako lwi Ivugwi kuduuka ku lwako lwi kivala chi Ivugwi. Uvutambi, vulaleng'ana ni kidieli kilala ku vidieli vie zihiiri zia Isiraeli ziahevwa.

Ezekieli 48:21

Kidieli kitigara ku zimbega ziombi 2 zie kidieli kitakatifu kandi kidieli chi Lidaala, ekeveeye zikilomita 12 ninusu zimbega ziosi, kutura Ivugwi kuduuka Imadioli, ekehenzani ni vidieli vi zihiiri, kilava chu mwamihi munene. Kidieli kitakatifu chi Litembeli liveeye hagati hacho,

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.