Ezekieli 34:16 - KITABU KITAKATIFU

¹⁶ “Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:16 ပူးပေါင်းရင်းမြစ်များ

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 5:17

Vimeme via magondi, zimburi zisoleri vilaaya mu mang'anye ga madaala manene gaavo, kuli viuvwayiru vwavio.

Jeremia 10:24

Yahova, ogelihizi avandu vovo; navuzwa utava mululu kukunyi mba, anoho utakuha amageri lwa oveeye nu vutima mba; kigira yiki kilava keheri chiitu.

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Jeremia 9:15

Kunangwa huliri aga inzi Yahova Wuvunyali, Nyasaye wa avandu va Isiraeli nziza kokora: Inzi ndaha avandu vange ivitagwa vilulu valie kandi isumu vanwi.

Ezekieli 20:34

Ndamumanyia vutima vwange kandi zinguru ziange lwa muvungiza harara nukumwiranyia kutura muvivala viosi uwa mwaali ni mwasalanyirwa.

Ezekieli 24:5

Utumikiri inyama indahi ligali yi ligondi; uviiki zingu mu mahiga. Oleke amazi gatavagili, ma odeeke vigumba kandi zinyama.”

Ezekieli 34:11

“Inzi Mwami Munene Yahova, muvooleraa ndi, Inzi mwene ndaaya magondi gange nu kugalinda

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Ezekieli 39:18

Zilakalie miviri ja vasikari kandi kunwa masahi ga vamiihi vi lirova, vosi avaazaa viitwi kuli amagondi amakole, vimeme, zimburi, zigiriki kandi zinyama ziosi zing'omeru kutura Bashani.

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Zekaria 10:3

Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Matayo 15:24

Navuzwa Yeso yativura, “Inzi ndaatumwa vuzwa ku amagondi gagota aga vandu va Isiraeli.”

Marko 2:17

Lwa Yeso yahulira, yavavolera, “Avandu avalamu si venya umwahi wi zinyasi mba, navuzwa avamwenyaa ni yavo avaveeye avalwaye. Sindaaza kulanga avalungi mba, navuzwa ndaaza ku avoni.”

Luka 19:10

Kigira Mwana wa Adamu yaza kwenya kandi kohonyia avaagota.”

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.