Ezekieli 34:12 - KITABU KITAKATIFU

¹² munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 34:12 ပူးပေါင်းရင်းမြစ်များ

Tsing'ano 27:23

Ulindi magondi googo ni zing'ombe zizio vulahi ligali kuli unyala,

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 33:12

Yahova Wuvunyali Vwosi avoora, “Mukivala yiki, ekeveeye kuli ichangalangwi, havundu ha avandu anoho zinyama zitamenyi, kilava kandi uvwayiru vwosi, havundu ha avayi navahile iviayo viavo.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Ezekieli 32:7

Lwandakakudivizi, ndakakuniki ligulu nokokola zing'ereng'ani kuva kisundi. Ndakakuniki liuva na malesi, kandi mweli sigulaka mba.

Zefania 1:15

Lilakave lidiku liu vutima vululu, lidiku lie kivi kandi lidiku liu vudinyu; lidiku liu kwononya kandi kudiviza, lidiku lie kisundi kenene ligali, lidiku limwamu kandi lia malesi manyingi.

Zekaria 10:3

Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Luka 15:8

“Niiva mukali aveeye nizisilingi likomi, niiva alagotiza ndala, alakola ki? Ahambizaa itaya, niyeeye munyumba kandi yenyererize havundu hoosi vudinyu kuduuka lwa agenyoolaa?

Luka 19:10

Kigira Mwana wa Adamu yaza kwenya kandi kohonyia avaagota.”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.