Ezekieli 34:11 - KITABU KITAKATIFU

¹¹ “Inzi Mwami Munene Yahova, muvooleraa ndi, Inzi mwene ndaaya magondi gange nu kugalinda

Ezekieli 34:11 ပူးပေါင်းရင်းမြစ်များ

Litanga 6:17

Inzi nziza kutuma imbura yi migelera ku lirova kudiviza kindu choosi kemenyi kulio. Vuli kindu ku lirova vilakakuzi,

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Isaya 48:15

Inzi mali kumulanga kandi kumutovola; ndamwimilira kandi ndaamugasiza mu zinzira zizie ziosi.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Ezekieli 11:17

“Kunangwa uvavoolere aga inzi, Mwami Munene Yahova mboraa. Ndavavungiza kutura muvivala uwa ndavasalanyira, kandi ndakavilanyili kivala cha Isiraeli.

Ezekieli 20:41

Inyima wa nambe ni ndakamuleeta kutura muvivala uwandaali nimali kumusalanyira, nu kumuviika harara, ndakavugiliri visiuviliru vienyu via musambaa, kandi ndakamanyie uvutakatifu vwange imbiri winyu hagati hi zihiiri.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Ezekieli 6:3

Ovolere avandu va Isiraeli vahuliri likuva lia Yahova, vahuliri aga inzi, Mwami munene Yahova, mbolera vandu vaveeye mu vigulu, tugulu, mimalina, na mamavoona: ndadiviza havundu hoosi ni kivavi ha vandu vasigamira vifananyi.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Zekaria 10:3

Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Luka 19:10

Kigira Mwana wa Adamu yaza kwenya kandi kohonyia avaagota.”

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.