Ezekieli 33:9 - KITABU KITAKATIFU

⁹ Niiva uliganihiza umundu mudamanu, navuzwa avuli kolekera kokora uvwoni, alakuza, navuzwa ivi ulahona.”

Ezekieli 33:9 ပူးပေါင်းရင်းမြစ်များ

Tsing'ano 15:10

Nokora agaveeye madamanu ulahevwa mageri manene ligali, kandi nusuula miigizu, ulakuza.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Ezekieli 3:19

Navuzwa niiva uliganihiza umundu muchamu ma avuli koleka uvudamanu vwivwe, alakuza kigira uvwoni vwivwe; navuzwa ivi ulakehonyie.

Ezekieli 3:21

Niiva uliganihiza mundu mulungi aleke kokora uvwoni, ma ahuliri, alamenya ligali kigira yahulira lieganihiza, na ivi ulahonyia livamwoyo liilio.”

Ezekieli 33:3

Lwa alolaa musigu niyisunda ahimbi, akubaa lwanga kwiganihiza vuli mundu.

Ezekieli 33:4

Niiva umundu alahulira navuzwa achaye kandi musigu yaze ma amwiti, maku aladulwa kigira likuza lilie mwene.

Ezekieli 33:6

Niiva musikari alalola musigu niyaza kandi avuli kukuba lwanga, musigu alaza kandi aliita avoni yavo, navuzwa ndadula musikari kigira likuza liavo.

Luka 12:47

“Navuzwa mutumikiri oyo umanyi uvulariri vwu Mwami weve, navuzwa siyetegeka anoho akole kuli Mwami yenya, oyo alanyoola likuywa linene ligali.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vikolwa 13:40

Kunangwa muhenze vulahi, gase galamugwira aga vaporofeti vavoola:

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 20:26

Kunangwa, muvooleraa lero ndi, mulala ku munyi naagota, simbeeye ni ligovi liosi mba.

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.