Ezekieli 33:3 - KITABU KITAKATIFU

³ Lwa alolaa musigu niyisunda ahimbi, akubaa lwanga kwiganihiza vuli mundu.

Ezekieli 33:3 ပူးပေါင်းရင်းမြစ်များ

Nehemia 4:18

kandi sa mulala uwaali niyumbaka yavika kivavi chiche nikevoheywe kuvazwa yeye. Mundu wukukuba kisiriva chokogerihiza avandi yaali ahimbi ku inzi.

Nehemia 4:20

Hoosi ha muhulira mwoyo gwi kisiriva hambi mungumbelize. Nyasaye wiitu alakulwanira.”

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 4:5

Mukubi kisiriva mukivala choosi chi Ivuyuda! Muhanzuki vudinyu kandi vulahi! Muvoolere avandu vi Ivuyuda na Jerusalemi vanyaguri kuduuka mu madaala gizimbinga.

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Ezekieli 3:19

Navuzwa niiva uliganihiza umundu muchamu ma avuli koleka uvudamanu vwivwe, alakuza kigira uvwoni vwivwe; navuzwa ivi ulakehonyie.

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Joeli 2:1

Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

1 Vakorintho 14:8

Niiva iling'alala liu vulwani nilikubwa ma livuli kuhulirika vulahi, nivwaha unyala kwetegeka ku liihi zana?