Ezekieli 33:29 - KITABU KITAKATIFU

²⁹ Lwa nambane mageri ku vandu kigira uvwoni vwavo kandi lwa nangore kivala hazwa, maku navalakamanye ndi Inzi mbeeye Yahova.”

Ezekieli 33:29 ပူးပေါင်းရင်းမြစ်များ

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Kutwula 14:18

Lwambaguuta, avandu va Egebeti valamanya ndi Inzi mbeeye Yahova.”

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Ezekieli 15:8

Ndakora kivala chavo kugwa mwigendanyama kigira vamali kuva avandu vataveeye avasuuvirifu ku inzi.” Yahova Wuvunyali umali kovora.

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Ezekieli 25:11

Ndakahane mageri ku vandu va Moabu kandi valakamanye ndi inzi mbeeye Yahova.”

Ezekieli 33:28

Ndakakole kivala kuva chere kandi hazwa. Zinguru ziamwigingira nazio zilakaduuki kukeheri. Vigulu via Isiraeli vilakatigale viere kali umundu sialakagende mu mba.

Ezekieli 33:30

Yahova yavoola, “Mwana wu Mundu, avandu vovo vamoloma kigira ivi lwa vavuganira mu madigi gi lidaala linene anoho mu zinzira zie kiliango chi zinyumba ziavo. Vavolerana mulala nu wundi ‘Leki kuzie kuhulira likuva limali kutura ku Yahova kalunu.’

Ezekieli 33:33

Navuzwa lwa makuva googo goosi galitwekizwa, kandi lwa navave avandu va giligali, maku navamanye ndi, muporofeti yaveeye harara navo.”

Ezekieli 5:9

Kigira uvudamanu vwosi vwa mumali kokora, ndahaana mageri ku munyi agangikiri kumukoleraku kandi maziambiri; kandi si ndakakolendio ing'inga yindi mba.

Ezekieli 6:11

Mwami munene Yahova avoora, “Mukubage makono ginyu! Muduyi hasi virenge vienyu! Muliri novovereri kigira uvudamanu vwosi kandi vindu viosi vielivihilirizwa via vandu va Isiraeli vamali kokora. Vazizaa kukuzira mu vulwani, inzara, kandi vulwaye.

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Ezekieli 7:27

Mwami alakasiome, na mwana wumwami alakuza mwoyo, kandi avandu valadegera nuvuti. Ndamuha mageri ku goosi gamumali kokora. Ndamukalagira munzira ndala nzere kuli mukalagiraa vandi. Yaga galamumanyia ndi inzi mbeeye Yahova.”

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”