Ezekieli 33:24 - KITABU KITAKATIFU

²⁴ Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Ezekieli 33:24 ပူးပေါင်းရင်းမြစ်များ

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Jeremia 39:10

Yaleka avandu vaali avadaka mukivala chi Ivuyuda, avataali ni kindu kali kilala; kandi yavaha milimi ji mizabibu kandi milimi.

Jeremia 40:7

Aviimiliri valala vi Ivuyuda na avasikari vaali nivakikiri kwihana ku vandu va Babiloni. Kunangwa vahulira ndi mwami wa Babiloni amali kokora Gedalia umwamihi wi kivala kandi amukoli kuva mwamihi wa yavo vosi avavura kuhilwa Babiloni, avandu vaali avadaka ligali vi kivala yicho.

Jeremia 41:7

Nonoho lwa vaali nivakaduuka hagati hi lidaala, Ishimaeli harara na avandu veve vavita ma nivasiuva miviri jaavo mu vogo.

Ezekieli 11:15

Yavoola, “Mwana wu Mundu, avandu vamenyi mu Jerusalemi vamoloma kigira munyi kandi kigira avandu va Isiraeli avaveeye mu vuhambe. Vavoola, ‘Avandu vumuvuhambe vaveeye ihale ligali ku lisigamira Yahova. Umali kukuha kivala yiki kuli mwandu gwitu.’

Ezekieli 33:23

Yahova yamoloma na inzi.

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Ezekieli 36:4

Kunangwa kalunu, muhuliri aga Inzi Yahova Wuvunyali mboraa ku munyi; avandu va Isiraeli avamenyi ku vigulu, kandi kutogera kandi mumavona, kandi avamenyi havundu halekwa kuva mang'anye, kandi avamenyi mu madaala galekwa kandi agavalanywa kandi nimulegerizwa ni zihiiri ziosi iziamukumberiza.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Luka 3:8

Gamudukira mukore vikolwa vilahi vimanyia ndi mumali kwiganira kutura mu vwoni vwinyu ligali. Mutatanga kwevoolera aveene kalunu, ‘Kunyi koveeye avana va Aburahamu.’ Muvooleraa agiligali, Nyasaye anyala kugirung'anyia amagina yaga gagwi avana va Aburahamu.

Yohana 8:33

Navo vativura, “Kunyi koveeye visukululwi via Aburahamu, kandi kunyi kukiri kuva avatugwa vu mundu woosi mba. Gaveeye ndi ivi ovola, ‘Mulava no vovoholore?’ ”

Yohana 8:39

Vaamutivulira, “Baba wiitu ni Aburahamu!” Yeso yavavolera, “Munyi mulava avana va Aburahamu ngano mwakakoli kuli Aburahamu yakola.

Vikolwa 7:5

Nyasaye siyaamuha ku ekedonye chi kivala yiki keve umwandu gwigwe; mba, navuzwa yamulaga alamuha kivala yiki keve chiche kandi chi ikisukulwi chiche. Ing'inga yene yeyo Aburahamu si yaali nu mwana mba.

Varumi 4:12

Aveeye baba kandi wa yavo avakevwa, agaveeye kovora, wa yavo, komeeda ku likevwa, vamenyi liiva lielisuuvira lia baba wiitu Aburahamu yamenya nakikiri kokevwa.

Varumi 9:7

Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.”

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.