Ezekieli 33:21 - KITABU KITAKATIFU

²¹ Ku lidiku lia katano liu mweli gwi 10 gwu muhiga gwi 12 gwi lihaminywa lietu, umundu waali niyiruki kutura Jerusalemi yaza kandi nambolera ndi, lidaala linene limali kugwa.

Ezekieli 33:21 ပူးပေါင်းရင်းမြစ်များ

2 Avami 25:10

na vasikari veve vaduya nu kuvasambula madiji gi Lidaala linene lia Jerusalemi.

2 Avami 25:4

Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

Jeremia 40:1

Yahova yamoloma na inzi inyima wa Nebuzaradani, munene wi liihi yaali niyakamboholora ha Rama. Inzi ndaali nimbiriywi yo nivambohi ni minyororo, harara navandu vandi vosi kutura Jerusalemi ni Ivuyuda avahirwa ihale kuli avahambe mu Babiloni.

Ezekieli 1:2

Gwaali muhiga gwa katano lwu mwami Jehoyakini yaali nahiliywi mu lihaminywa.

Ezekieli 24:1

Ku lidiku lie likomi ku mweli gwi likomi mu muhiga gwa tisa gwi lihaminywa lietu, Yahova yamoloma na inzi.

Ezekieli 24:2

Yavoola, “Mwana wu Mundu, ong'ode lidiku lia kalunu live liu kwizuliziraku, kigira yili ni lidiku liu Mwami wa Babiloni atangaa Likumberiza lidaala linene lia Jerusalemi.

Ezekieli 31:1

Ku lidiku liu kutanga, ku mweli gwa kavaga mu muhiga gwi likomi na mulala gwi lihaminywa lietu, Yahova yamoloma ninzi.

Ezekieli 32:1

Ku lidiku liu kutanga ku mweli gwa 20 mu muhiga gwa 12 gwi lihaminywa lietu, Yahova yamoloma na inzi.

Ezekieli 32:17

Ku liduku lia 15 ku mweli gwu kutanga mu muhiga gwi likomi nagiviri gwi lihaminywa lietu, Yahova yamoloma na inzi.

Ezekieli 40:1

Ku lidiku lie 10 liu muhiga muhia ugwali muhiga gwa 25 kutura nikuhilwa mu lihaminywa, kandi muhiga gwi 14 inyima wi lidaala lia Jerusalemi liali niliakagumilwa. Kulidiku yilio ndaahulira zinguru zia Yahova niziveeye ku inzi, kandi niyang'inga nambira ihale.