Ezekieli 33:12 - KITABU KITAKATIFU

¹² “Kalunu, Mwana wu Mundu, ovoolere avandu va Isiraeli ndi lwu mundu mulala akolaa uvwoni, uvulahi vwamali kokora si vulamuhonyia mba. Niiva umundu mudamanu alaleka kola vudamanu, si alahevwa mageri mba. Kandi niiva umundu mulahi natanga kokora uvwoni, sialava mwoyo mba.

Ezekieli 33:12 ပူးပေါင်းရင်းမြစ်များ

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Jeremia 18:10

navuzwa ihiiri yene yeyo nivula kutia inzi nokokola uvuchamu, inzi sindakola agandavoola ndakora mba.

Jeremia 18:8

navuzwa ihiiri yeyo igirung'ane kutura kuvudamanu vwayo, inzi sindakola agandavoola ndakakole mba.

Ezekieli 18:21

“Niiva mundu mudamanu alaleka kokora uvwoni kandi agumili amalago gange, kandi niiva alakola agaveeye amalahi kandi amalungi, sialakuza mba; mundu uyu alamenya ligali.

Ezekieli 3:18

Niiva ndakalandizi ndi umundu muchamu alakuza, navuzwa ivi uvuli kumwiganihiza agirung'ane kutura kuzinzira zizie kuduuka ahonyie livamwoyo lilie, alakuza naveeye mwoni, inzi ndakudula ku likuza lilie.

Ezekieli 33:2

Yavoola, “Mwana wu Mundu, ovoolere avandu vovo agekoleka lwa ndeta uvulwani ku kivala. Avandu vi kivala chene yicho vatovora mulala kuvo kuva musikari.

Ezekieli 33:20

Navuzwa munyi avandu va Isiraeli muvooraa ndi, aga ngolaa sigaveeye malungi mba. Nziza kumukalagira kolondekana na agamukolaa.”

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.