Ezekieli 33:11 - KITABU KITAKATIFU

¹¹ Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 33:11 ပူးပေါင်းရင်းမြစ်များ

2 Samweli 14:14

Kunyi kwosi kwaza kukuzi, koveeye kuli amazi gasunduliywi hasi ku marova, agatanyala kudafwa kandi mba. Nyasaye siyilanyia avakuzu kuva mwoyo kandi mba, navuzwa mwami anyala kwenya inzira ya yiranyira mu umundu kutura mu lihaminywa

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Zaburi 51:15

O, Yahova, ongonye komoloma; na inzi ndakwizominya.

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Isaya 21:12

Ndaativura, “Umugamba guzaa, navuzwa uvudiku vulilana kandi. Niiva wenyaa koteeva kandi, wirane ma oteeve.”

Isaya 49:18

Heenzi zimbega ziosi mulole agaakoleka! Avandu vinyu vazaa kwivungiza harara vazaa yengo; Ligali kuli inzi mbeeye Nyasaye oveeye mwoyo, munyi muligingilira avandu vinyu, kuli umwiha yiyanziza ni yisiahi iviuma.

Jeremia 22:24

Yahova yavolera mwami Jehoyakini mwana wa mwami Jehoyakimu umwami wi Ivuyuda, “Ligali kuli inze mbeeye Nyasaye omenya, kali niiva wakaveeye kuli imingiri yu muhuri ku mukono gwange mulungi, ndaakakusiluli kutura ku inzi

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Lisyoma lya Jeremia 3:33

Siasangaliraa mulikokola kove nilisalirizwa anoho uvuzunu mba.

Ezekieli 14:6

“Kulwayago, ovoolere avandu va Isiraeli aga inzi, Mwami Munene Yahova mboraa: mwiganiri kandi mugirung'ane kutura ku vifananyi vinyu viu kuvihiliriza. Mugirung'ane kutura ku likora vudamanu vwosi.

Ezekieli 16:48

Yahova Wuvunyali avoora, “Nagiligali kuli mbeeye Nyasaye oveeye mwoyo,” mukaana winyu wa Sodoma kandi navandu vu tudaala twitwe si vaakora ku uvudamanu vwa ivi navandu vutudaala tutwo vamali kokora mba.

Ezekieli 18:23

Mwami Munene Yahova ateeva ndi, “Uganagana inzi ndasangalira likuza liu mundu mudamanu? Awa! Ndakayanzi kolola niyiganiraa uvwoni vwivwe kandi amenye.

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Livalidza 14:21

Navuzwa ndagaa ndi, ligali kuli inzi mbeeye Yahova omenya, kandi ligali kuli uvukumi vwange vwizuyi mu lirova liosi,

Livalidza 14:28

Kalunu uvavoolere, ‘Nzisuha ndi, ligali kuli inzi mbeeye omenya, ndakokolera kuli umali koteeva. Inzi Yahova mali kovora.

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Varumi 14:11

Amang'oda Matakatifu gavoora, “Kuli inzi ligali mbeeye Nyasaye oveeye mwoyo, Mwami avoora; mundu sa mulala alakasigame imbiri wange, kandi mundu woosi alakiyame ndi inzi mbeeye Nyasaye.”

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.