Ezekieli 32:7 - KITABU KITAKATIFU

⁷ Lwandakakudivizi, ndakakuniki ligulu nokokola zing'ereng'ani kuva kisundi. Ndakakuniki liuva na malesi, kandi mweli sigulaka mba.

Ezekieli 32:7 ပူးပေါင်းရင်းမြစ်များ

Ayubu 9:7

Nyasaye alaangaa liuva livuli kotonga, kandi yigalira zing'ereng'ani zivuli kong'ereng'ana vudiku.

Tsing'ano 13:9

Valungi vaveeye kuli uvulavu vwaka, na vachamu vaveeye kuli itaya isimaa.

Kohelethu 12:2

Yilwo nilwo lwu vulavu vwi liuva, mweli, kandi zing'ereng'ani vuzizagilira kukumwamira, na malesi gi imbura sigalirana mba.

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Ezekieli 31:15

Yaga nigo aga Yahova Wuvunyali avoora, “Ku lidiku liene yilio lwu musaala yigu gulikuza nukuzia mu kivala chavakuzu, ndakagukuniki na mazi gu mu lirova, kuli kelolero chi Lisioma. Ndakagumili mazi gimigera gavuli kwituruka. Kigira musaala yigu gumali kukuza, ndakakuniki vigulu via Lebanoni ni kisundi, kandi ndakakole misaala josi ju mumulitu kwuma.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Marko 13:24

“Navuzwa mu madiku yago, inyima yi kivi yicho, iliuva lilakamwame, nu umweli si gulakake mba.

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.