Ezekieli 32:25 - KITABU KITAKATIFU

²⁵ Elamu Yagona hagati ha yavo aviitirwa mu vulwani, kandi virindwa via vasikari veve viakumberiza kirindwa chiche. Vosi sivaveeye avasuuvirifu mba, kandi vosi viitirwa mu vulwani. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu harara na yavo avamala kwitirwa muvulwani.

Ezekieli 32:25 ပူးပေါင်းရင်းမြစ်များ

2 Samweli 1:20

Utalandiza makuva yaga mu Gazi anoho mu zinzira zia Ashikeloni, gase avakali va vandu va Filisitia valasangala, gase avakaana va avandu vatamanyi Nyasaye valasangala. Avakaana avandu vatamanyi Nyasaye valasangala.

1 Kyetsinyinga 10:4

Yavolera musoleri wamugingiraa iviugi vivie, “Somola kivavi chicho na umalirize, ukwigalira avasindi vatamanyi Nyasaye yavo vavuli kundeganyia.” Navuzwa mugiingi wi viugi oyo yatia ligali okokora ndio. Kunangwa Saolo yavugula kivavi chiche mwene, ma naagwa kucho.

Zaburi 139:8

Kali ninzia kuduuka mwigulu, ivi oveeye yo: kali niimba ning'onaa hasi mu kilindwa; ivi oveeye mu.

Ezekieli 32:19

Uvavoolere: “Muganaganaa muveeye avandu vi ligondo lilahi ligali kuvita mundu wundi woosi? Mulazia hasi mu kivala cha vakuzu kogona harara na vandu vataveeye avasuuvirifu.

Ezekieli 32:21

Avanene vi zinguru harara na vimiliri va Egebeti valakavagenihizi mu kivala cha vakuzu. Valakahanzuki: ‘Avandu vataveeye avasuuvirifu, aviitirwa mu vulwani vamali kuduuka hano, mbava vaagoni hano!’

Ezekieli 32:24

“Elamu aveeye uwene yeyo, kirindwa chiche chakumberizwa ni virindwa via vasikari veve. Vosi viitirwa mu vulwani, na vazia mu kivala cha vakuzu nivataveeye avasuuvirifu. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Likunula 2:22

Henza, ndamusiuva ku kidali cha valwaye; na yavo vosi avaheyaa naye, ndavakora vasaliri ligali. Ndakora ndio nivatiiganira no koleka vikolwa viavo ividamanu via vakora naye.