Ezekieli 32:24 - KITABU KITAKATIFU

²⁴ “Elamu aveeye uwene yeyo, kirindwa chiche chakumberizwa ni virindwa via vasikari veve. Vosi viitirwa mu vulwani, na vazia mu kivala cha vakuzu nivataveeye avasuuvirifu. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu.

Ezekieli 32:24 ပူးပေါင်းရင်းမြစ်များ

Litanga 10:22

Avayaayi va Shemu vaali, Elamu, Ashuri, Aripakishadi Ludi na Aramu.

Litanga 14:1

Avami vane, Amurafeli mwami wa Babiloni, Arioki mwami wa Elasari, Kedorilaomeri mwami wa Elamu, na Tidali mwami wa Goimu,

1 Kyetsinyinga 1:17

Vayaayi va Shemu vaali Elamu, Ashuru, Aripakishadi, Ludi, Aramu, Uzi, Huli, Gezeri, na Mesheki. Vaveeye avaguuga va avandu valangwa ku amita gaavo.

Ayubu 28:13

“Mundu siamanyi inzira yo vogeri mba; kandi ovogeri sivonyolekaa mu kivala cha avaveeye mwoyo mba.

Zaburi 142:5

O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 38:11

Ndaganagana ndi, inzi si ndalora Yahova kandi mba, anoho si ndalora ku kandi mundu woosi omenya mu kivala yiki.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 25:25

na avami vosi va Zimuri, Elamu na Media,

Ezekieli 16:52

Kandi kalunu ivi ulava muzisoni ligali. Avakaana vinyu vafana avataveeye nimbala lwavaveeye ahimbi nivi, kigira uvwoni vuvwo voveeye vudamanu ligali kuvita vwavo. Kalunu odegere kandi ove muzisoni, kigira okolaa avakaana vinyu kufana avalahi.”

Ezekieli 16:54

Kunangwa na muve muzisoni munyi aveene kigira kugoosi aga mumali kokora mu livaleminya mwoyo.

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Ezekieli 32:19

Uvavoolere: “Muganaganaa muveeye avandu vi ligondo lilahi ligali kuvita mundu wundi woosi? Mulazia hasi mu kivala cha vakuzu kogona harara na vandu vataveeye avasuuvirifu.

Ezekieli 32:21

Avanene vi zinguru harara na vimiliri va Egebeti valakavagenihizi mu kivala cha vakuzu. Valakahanzuki: ‘Avandu vataveeye avasuuvirifu, aviitirwa mu vulwani vamali kuduuka hano, mbava vaagoni hano!’

Ezekieli 32:25

Elamu Yagona hagati ha yavo aviitirwa mu vulwani, kandi virindwa via vasikari veve viakumberiza kirindwa chiche. Vosi sivaveeye avasuuvirifu mba, kandi vosi viitirwa mu vulwani. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu harara na yavo avamala kwitirwa muvulwani.

Ezekieli 32:30

“Virindwa via vamiihi va Ivaale harara na Sidoni viveeye uwene yeyo. Valeta litihiza mu kivala cha vaveeye mwoyo. Navuzwa kalunu vagona muzisoni harara niyavo aviitirwa mu vulwani, kandi harara na vandu vatali avasuuvirifu. Vosi vaveeye mu zisoni harara niyavo avaveeye mu kivala cha vakuzu.

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Ezekieli 44:13

Sivalisunda ahimbi ninzi nukundumikira kuli avasaalisi mba, anoho sivalisunda ahimbi ni kindu kiveeye kitakatifu mba, kandi sivalingira Havundu Hatakatifu mba. Yaga ni mageri kigira ivindu viu kuvihiliriza via vamali kokora.

Danyeli 8:2

Mu malola yaga, ndalora ndi ndanyora nimbeeye mu lidaala lia Susa lia kumbelizwa ni lidigi, mu kivala cha Elamu. Ndaali nisingiyi ahimbi nu mugera gwa Ulai.

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Matayo 11:23

Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!