Ezekieli 32:23 - KITABU KITAKATIFU

²³ kandi virindwa viavo viveeye musi ligali mu kivala cha vakuzu. Avasikari veve vosi viitirwa mu vulwani, kandi virindwa viavo viakumberiza kirindwa chiche; maziambiri valeta litihiza mu kivala cha yavo avaari mwoyo.

Ezekieli 32:23 ပူးပေါင်းရင်းမြစ်များ

Ayubu 28:13

“Mundu siamanyi inzira yo vogeri mba; kandi ovogeri sivonyolekaa mu kivala cha avaveeye mwoyo mba.

Zaburi 116:9

Kunangwa ndagenda imbiri wa Yahova; mu kivala cha vandu vaveeye mwoyo.

Zaburi 142:5

O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

Zaburi 27:13

Inzi mbeeye ni lisuuvira ndi, ndakalole vulahi vwa Yahova, vaveeye mwoyo lwa ngikiri mwoyo.

Isaya 14:17

Uyu niye umundu wononyia amadara amanene, kandi nagirung'anyia kivala nikigwa changalangwe? Uyu niye umundu wavula kovoholora avahambe anoho kuvaleka vazie yengo?’

Isaya 38:11

Ndaganagana ndi, inzi si ndalora Yahova kandi mba, anoho si ndalora ku kandi mundu woosi omenya mu kivala yiki.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Ezekieli 26:17

Valakamwimbiri lwimbu lwi lisioma yilu: Lidaala linene liamanyikana limali kudivizwa! Zimeri zialio zimali kutulizwa mu zinyanza. Avandu vi lidaala linene yili vamiiha kivala keveeye ahimbi ku inyanza, kandi vatihiza vosi avamenyi ahimbi ku inyanza.

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 32:32

“Inzi ndaakola Mwami wa Egebeti kulandiza litihiza mu kivala cha vandu avaveeye mwoyo, navuzwa oyo harara ni liihi lilie valitirwa mu vulwani; valagona harara na yavo vosi avataali avasuuvirifu, kandi harara nayavo aviitirwa mu vulwani.” Yahova Wuvunyali umali kovora.

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!