Ezekieli 32:2 - KITABU KITAKATIFU

² Yavoola, “Mwana wu Mundu, uhaane lieganihiza ku mwami wa Egebeti. Umuvolere makuva yaga: Ivi wekolaa kuva kuli isimba hagati hizihiiri, navuzwa oveeye kuli ingwina yuhulanyia mazi mu mugera. Uduvulaa mazi ni virenge vivio kandi okolaa migera kugwa ovodohi.

Ezekieli 32:2 ပူးပေါင်းရင်းမြစ်များ

Litanga 49:9

Yuda aveeye kuli isimba, yitaa vasigu vayo ma yirana mu lungaywa lwayo yinjila ma egonaa hasi. Avulaho mundu unyala kuvugilira kugikubiza ikivi.

Ayubu 41:23

Amaganyi gi zinyama ziayo gagumirana harara; gadinyirana vudinyu ligali na sizinyala kusuundwa mba.

Ayubu 7:12

Inzi mbeeye inyanza, anoho inyama enene yu munyanza? Siunyala kuviika vulindi ku inzi mba.

Tsing'ano 25:26

Mundu mulungi uvugilira makuva gu mundu muchamu, gaveeye kuli kisinukiru chaduvuka kandi kidaho chuvusungu.

Tsing'ano 28:15

Mundu muchamu wamihaa avadaka aveeye kuli isimba ihuuma anaho iduba esetaa.

Tsing'ano 30:30

Zisimba ziveeye ni zinguru kuvita zinyama zindi ziosi, kandi sizitizaa zinyama zindi mba.

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 46:7

Uyu nivwaha uwidudaa kuli mugera gwa Naili, ugwizuyi amazi?

Jeremia 46:8

Ni Egebeti yidudaa kuli Naili, kuli mugera gwizuuyi amazi. Avandu va Egebeti vavoola, ‘Kunyi kuliduda nukukunika lirova; kunyi kuladiviza madaala na avandu vamenyi mu.

Jeremia 9:18

Avandu vavoola, “Vavooleri vakole vwangu vakwimbiri zinyimbu zielikuza, kuduuka lwizimoni zietu zizura maliga, kandi kuduuka lwi zimoni zietu ziituruka maliga. ”

Ezekieli 26:17

Valakamwimbiri lwimbu lwi lisioma yilu: Lidaala linene liamanyikana limali kudivizwa! Zimeri zialio zimali kutulizwa mu zinyanza. Avandu vi lidaala linene yili vamiiha kivala keveeye ahimbi ku inyanza, kandi vatihiza vosi avamenyi ahimbi ku inyanza.

Ezekieli 27:2

Yavoola, “Mwana wu Mundu, wimbiri avandu va Tiro lwimbu lwi likuza,

Ezekieli 27:32

Mu lisioma liavo ku munyi valira nivavoora: ‘Nivwaha oveeye kuli Tiro, uwadivizilwa hagati hi inyanza?’

Ezekieli 28:12

Yavoola, “Mwana wu Mundu, usiome kigira mwami wa Tiro. Umuvolere aga Inzi Yahova Wuvunyali mboraa: Ivi waali kelolero chu vuduukiru, kandi waali novogeri vunyingi ligali kandi wi ligondo lilahi ligali.

Ezekieli 29:15

vwami vodedekere mu vwosi, kandi si namwamiihi ku zihiiri zindi ziosi mba. Nambakore kuva avadedekere ligali kali si navamiihi zihiiri zindi ziosi kandi mba.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 32:16

Lieganihiza yili lilava ulwimbu lwi lisioma. Avakali vi zihiiri valakimbi nukusioma kigira Egebeti harara na vandu vosi avamenyi mucho. Inzi Yahova Wuvunyalimali kovora.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Ezekieli 34:18

Malala kugo galiiza vunyasi vulahi magasenasena mu vutigaye. Agandi ganweza mazi malahi magasena mu nukuduvura agatigaye.

Ezekieli 38:13

Avandu va Sheba na Dedani kandi avakiranyi kutura mu madaala ga Sipeini, navakoteeve ndi, ‘Ivi umali kuvungiza liihi liilio nu kwingilira kuduuka ulanye? Uganagana konyoora izahabu, ifeza, mitugu kandi miandu nu kuzia navio viosi?’ ”

Livalidza 24:9

Ihiiri eveeye kuli isimba yi zinguru; lwegonaa siaveeye ho no mulala unyala kuluvilira kugivukiza mba. Uyu ugasizaa vandu va Isiraeli alagasizwa, na uyu ulaama vandu va Isiraeli alalaamwa.”

Matayo 7:24

“Kulwayago, mundu woosi uhuliraa amakuva gange, naagakora, aveeye kuli mundu mugeri, uwumbaka inyumba yeeye ku lwanda.