Ezekieli 32:19 - KITABU KITAKATIFU

¹⁹ Uvavoolere: “Muganaganaa muveeye avandu vi ligondo lilahi ligali kuvita mundu wundi woosi? Mulazia hasi mu kivala cha vakuzu kogona harara na vandu vataveeye avasuuvirifu.

Ezekieli 32:19 ပူးပေါင်းရင်းမြစ်များ

Ezekieli 28:10

Ulakitwi kuli imbwa navageni vataveeye avasuuvirifu. Inzi Yahova Wuvunyali, mali kovora.”

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 31:2

Yambolera, “Mwana wu Mundu, ovoolere Mwami wa, Egebeti harara na vandu veve vosi ndi: Munyi munyala kufananywa na vwaha mu vonene vwinyu?

Ezekieli 32:21

Avanene vi zinguru harara na vimiliri va Egebeti valakavagenihizi mu kivala cha vakuzu. Valakahanzuki: ‘Avandu vataveeye avasuuvirifu, aviitirwa mu vulwani vamali kuduuka hano, mbava vaagoni hano!’

Ezekieli 32:24

“Elamu aveeye uwene yeyo, kirindwa chiche chakumberizwa ni virindwa via vasikari veve. Vosi viitirwa mu vulwani, na vazia mu kivala cha vakuzu nivataveeye avasuuvirifu. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu.

Ezekieli 32:26

“Mesheki na Tubali vaveeyeyo kandi, virindwa viavo viakumberizwa ni virindwa via vasikari vaavo, vosi si vaveeye avasuuvirifu mba, kandi viitirwa mu vulwani. Valeta litihiza mu kivala cha vandu vaveeye mwoyo.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.