Ezekieli 31:8 - KITABU KITAKATIFU

⁸ Sigwaliho nu musaala gundi gwu mudaragwa mu mulimi gwa Nyasaye ugwali gunyala koleng'anywa nu musaala yigu mba. Sihaliho nu musaala gwu muberosi ugwali ni zisia kuli yizi mba, anoho si gwaliho musaala gwu Mwamori ugwali ni zisia kuli yizi mba. Si gwaliho nu musaala gundi mu mulimi gwa Nyasaye ugwali mulahi kuli musaala yigu mba.

Ezekieli 31:8 ပူးပေါင်းရင်းမြစ်များ

Litanga 13:10

Loti yahenza muzimbega ziosi kandi nalora livona liosi lia Jorodani kutura Zohari liali na mazi manyingi kuli mulimi gwa Yahova anoho kuli kivala cha Egebeti. Yaga gaali imbiri wa Yahova yaali nakikiri kudiviza madaala manene ga Sodoma na Gomora.

Zaburi 37:35

Ing'inga indala ndaamanya mundu mudamanu, wi kilage kandi mululu ligali, yagumala kuli mudaragwa gwa Lebanoni ugwali mu marova amagunamu.

Zaburi 80:10

Avandu yava vameedeka ni vizura mu kivala choosi kutura Ivugwi kuduuka Imadioli, kandi kutura Isavaalu kuduuka Ivaale midaragwa gwa kuunika kiguru cha Lebanoni.

Lwimbu lwa Solomoni 5:15

Vilenge vivie viveeye vilungi kuli zitiru zialombwa ku muse gwa magina gi zahabu. Aveeye nu vukumi kuli vigulu via Lebanoni harara ni midaragwa mitambi.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Ezekieli 28:13

Ivi wamenyaa mu Edeni, mulimi gwa Nyasaye. Wiviika zinguvu zing'ano zinyingi ziu vuguli vudinyu; zinzakanyu, zia topazi, zie limasi, zie berulo, zie Sokamu, zie jasipi, zie safiro, zio vong'orang'ore, zie Saridoniki kandi zie zahabu. Zinguvu yizi zialomberwa ivi ku lidiku lia walombwa.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Ezekieli 31:7

Musaala yigu gwaali munene kandi mulahi ligali; gwaali mutambi ligali, ni zisia zindambi. Miri jagwo jaduuka hasi mu mazi manyingi.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.