Ezekieli 31:3 - KITABU KITAKATIFU

³ Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Ezekieli 31:3 ပူးပေါင်းရင်းမြစ်များ

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Isaya 37:24

Watuma avatumikiri vovo ukuuza kwigingira ku inzi ndi ivi wamala kuguuta ivigulu vitambi kuvita ligali via Lebanoni na magare googo goosi gu vulwani. Wigingira ndi, kukigulu kwene yikwo, watema midaragwa mitambi ligali kandi misaala mitovole jindi ma kandi waazia kuduuka havundu haveeye musi ligali mwi militu.

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Jeremia 50:18

Kigira yaga, Inzi, Yahova Wuvunyali, Nyasaye wa avandu va Isiraeli ndahaana mageri ku mwami Nebukadineza nikivala chiche, kuli ndahaana mageri ku mwami wa Asiria.

Ezekieli 17:22

Yaga nigo ga Yahova Wuvunyali avoora: “Inzi mwene ndavugura esonga yu mudaragwa mutambi na; ndavunaga esonga endoto kutura kulusia; ndagisimika ku kiguru kitambi ligali.

Ezekieli 19:11

Zisia ziagwo ziali nizinguru, kandi gwaviruka nigugwa kuli imbimbu yu vwami. Muzabibu gwaviruka nigutambiha kuduuka mu malesi; kandi vuli mundu yalora kuli gwaali mutambi na matu manyingi.

Ezekieli 31:10

“Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Ezekieli 31:17

Josi jilakazie harara nagwo mukivala chavakuzu kuva harara ni jamala kugwa. Vosi avamenyaa isi wi chiriri chagwo valasalanywa hagati hi zihiiri.

Ezekieli 31:5

Kigira gwasamwa na mazi vulahi, gwaviruka nigutambiha ligali kuvita misaala jindi jiosi. Zisia ziagwo ziali zindiduhu kandi zindambi ligali.

Ezekieli 31:6

Vuli zing'ano ziosi zia manyonyi, ziumbaka zinyumba ziazio mu zisia ziu musaala yigu; zinyama ziu mu vulimu zivuliraa vana vazio mu chiriri chu musaala yigu. Zihiiri ziu mu kivala zisoseraa mu chiriri chagwo.

Ezekieli 31:8

Sigwaliho nu musaala gundi gwu mudaragwa mu mulimi gwa Nyasaye ugwali gunyala koleng'anywa nu musaala yigu mba. Sihaliho nu musaala gwu muberosi ugwali ni zisia kuli yizi mba, anoho si gwaliho musaala gwu Mwamori ugwali ni zisia kuli yizi mba. Si gwaliho nu musaala gundi mu mulimi gwa Nyasaye ugwali mulahi kuli musaala yigu mba.

Ezekieli 32:22

“Umwami wa Asiria aveeye uwene yeyo, akumbiriziywi ni virindwa via vasikari veve. Vosi viitirwa mu vulwani,

Danyeli 4:10

“Lwa ndali ning'onaa ndalora malola gu musaala munene ligali hagati hi kivala.

Danyeli 4:12

Matu gagwo gaali malahi na makuyu gagwo gaali manyingi muno kandi gaali chukulia ku vandu vosi, zinyama ziu muvurimu zia sosera muchiriri cha gwo, manyonyi gumbakaa zinyumba zia go muzinzago ziagwo kandi kindu choosi kiveeye mwoyo chaalia ku makuyu gagwo.

Danyeli 4:7

Maku vasigitiri, valaguli, valogi harara na vageri vi zing'ereng'ani vosi valetwa kandi nimbavolera maloto gene yago, navuzwa si vaali vanyara kunzivaalira mba.

Zefania 2:13

Yahova alakanyiiri mukono gwigwe kolovega lwi Ivaale nu kudiviza Asiria. Alakakole lidaala lia Nineve kuva mang'anye kandi changalangwe vugira mazi,

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Zekaria 11:2

Muliri kandi musiome, misaala ja makaratasi, kigira midaragwa jimali kugwa; misaala milahi jokogenyia jimali kudivizwa! Muliri kandi musiome misaala minene ja Bashani, kigira mulitu gwi misaala minyingi gumali kotemagwa!

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’