Ezekieli 31:16 - KITABU KITAKATIFU

¹⁶ Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Ezekieli 31:16 ပူးပေါင်းရင်းမြစ်များ

Isaya 14:15

Navuzwa umali kwikizwa hasi mu luliva lwi kihadisi.

Isaya 14:8

Kali misaala ji midaragwa ja Lebanoni, jisangaliranga liigwa liu mwami wa Babiloni, kigira siaveeye ho mundu unyala kujitema mba, kigira umali kuzia!

Jeremia 50:46

Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Ezekieli 14:22

Kali niiva mulala ku vandu yava alatigala kandi ahonyie avana veve avakaana na vayaayi, lwa vaza ku ivi, uvahenze olole kuli vaveeye avadamanu, ulavugilira ndi amageri gambana ku Jerusalemi gaveeye malungi,

Ezekieli 14:23

Maku ulakalole vikolwa viavo, kandi ulakamanye ndi ndaali nikivuni chukuhaana mageri kuvo.” Yahova Wuvunyali umali kovora.

Ezekieli 26:10

Zibarasi ziavo nazive zinyingi ligali kuduuka luguchi lwazio nalumukuniki. Madigi ginyu nagadegere kigira liyoga lie zibarasi ziu vulwani, kandi magare gu vulwani lwa nagingiri mu virivwa vienyu kuli avandu vingira mu lidaala linene lia madigi galio gamali kufudulanywa.

Ezekieli 26:15

Yahova Wuvunyali avooreraa lidaala linene lia Tiro ndi, “Lwa muva ni muguutwa, vandu vamenyi ahimbi ni inyanza navatihizwi kigira lilira lia yavo avitwaa.

Ezekieli 27:28

Lihanzuka liayavo avaari mumeri liahulirika kulwuginga, kivala choosi chadegera.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Ezekieli 31:8

Sigwaliho nu musaala gundi gwu mudaragwa mu mulimi gwa Nyasaye ugwali gunyala koleng'anywa nu musaala yigu mba. Sihaliho nu musaala gwu muberosi ugwali ni zisia kuli yizi mba, anoho si gwaliho musaala gwu Mwamori ugwali ni zisia kuli yizi mba. Si gwaliho nu musaala gundi mu mulimi gwa Nyasaye ugwali mulahi kuli musaala yigu mba.

Ezekieli 31:9

Ndaagokola kuva mulahi ligali ni zisia zinyingi ligali. Vuli musaala mu Edeni, mulimi gwange, gwaali ni likendeka ku musaala yigu.

Nahum 2:3

Avasikari va vasigu vaginga zinguva zinzakanyu kandi vivikaa zinguvu zinzakanyu. Velohizaa kuzia kwingilira! Amagare ga mahi gaavo gahemahemaa kuli muliru! Zibarasi ziavo zitumatuma!

Habakuk 2:17

Mwatema militu ja Lebanoni; kalunu na munyi mulatemwa. Mwitaa zinyama zimenyi mu; kalunu zinyama yizio zilamutihiza. Yaga galakekoleke kigira vwiti vwa mumali kokora kandi kigira kivihiri chiinyu cha mukoleraa vandu vi kivala na madaala manene.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.