Ezekieli 31:10 - KITABU KITAKATIFU

¹⁰ “Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Ezekieli 31:10 ပူးပေါင်းရင်းမြစ်များ

2 Kyetsinyinga 25:19

Kalunu mwami Amazia, ivi welolaa ndi umali kuguuta vandu va Edomu, navuzwa inzi ng'ogelihiza ove hango; Kigira ki utaangiza uvudinyu vulileta ikivi ku ivi mwene na vandu vovo?”

2 Kyetsinyinga 32:25

Navuzwa Hezekia yaali niliegingira linene ligali kali siyaali unyala kumanya lisandiza ku aga Yahova yaali naamukoleye mba. Ku lwayago, uvutima vwa Yahova vwaduuka kuye, Ivuyuda kandi Jerusalemi.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Danyeli 4:14

Nevoola nu mwoyo munene, tema musaala yigu gugwi hasi kandi uhaluri iziisia na matu gagwo kandi usalanyie makuyu gagwo. Ukungi zinyama ziosi kutura isi wa gwo kandi manyonyi kutura ku zisia ziagwo.

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Matayo 23:12

Oyo wenenehizaa, alagehizwa; naye uwegehizaa alanenehizwa.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”