Ezekieli 30:9 - KITABU KITAKATIFU

⁹ “Lwi lidiku yilio liliduuka, kandi lwa vandu va Egebeti lidivizwa, inzi ndakatumi avatumwa ni zimeri kuvukiza vandu va Ezopia avataveeye ni limanya, na valakatiihizwi. Lidiku yilio lizaa!”

Ezekieli 30:9 ပူးပေါင်းရင်းမြစ်များ

Isaya 19:17

Avandu va Egebeti valatiihizwa ni ihiiri ya vandu va Yuda vuli ing'inga lwa vizuliza kivi cha Yahova Wuvunyali amali kuvaloombera.

Isaya 20:3

Lwi lidaala linene lia Ashidodi liagumirwa, Yahova yavoola, “Mutumikiri wange Isaya yageendi ni chahonyo kandi ni virenge viere ku mihiga jivaga. Yiki ni kelolero ku agalikoleka ku vandu va Egebeti kandi Ezopia.

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Isaya 23:5

Kali lwa vandu vi kivala cha Egebeti vahulira ndi Lidaala linene lia Tiro limali kudivizwa, valava ni ligenya kandi lihenda mwoyo.

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Jeremia 49:21

Ku lihulirika lieliigwa liavo, kivala choosi na kedegere; mwoyo gwi lilira liavo gulakahuliriki ku Inyanza inzakanyu.

Jeremia 49:31

‘Hambi! Kunyi kulingilira avandu vaganagana vaveeye mu mirembe kandi mulikingwa! Lidaala liavo si liveeye ni virivwa anoho makafuri mba, kandi liveeye ligali vugira vulindi.’

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Ezekieli 27:35

“Avandu vosi avamenyi ahimbi nu lujinga lwinyanza vaveeye ni ligenya kigira lidivizwa lienyu. Kali avami vaavo vaveeye nuvuti vonene ligali vaveeye nuvuti ligali.

Ezekieli 33:33

Navuzwa lwa makuva googo goosi galitwekizwa, kandi lwa navave avandu va giligali, maku navamanye ndi, muporofeti yaveeye harara navo.”

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Ezekieli 39:6

Ndahambiza muliru mu kivala cha Magogi kandi ku visulu viosi iviveeye ahimbi ninyanza, wa vandu vamenyi mu mirembe. Vuli mundu woosi alakamanye ndi, inzi mbeeye Yahova.

Amosi 4:2

Kuli Yahova Nyasaye Wuvunyali umali kwisuuha ku lieta lilie litakatifu ndi, “Madiku gaaza ku munyi lwa kunguswa ni zindoani, na vuli mulala munyi alavugulwa kuli zisuzi ku zindoani.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Zefania 2:12

Yahova alakiti avandu va Ezopia ni kivavi.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

Vakalagi 18:7

Kunangwa avandu vatano yava vaatura ni vazia mu lidaala lia Laishi. Valora kuli avandu uwene yeyo vaali nivamenyi mu mirembe kuli vandu va Sidoni. Vaali avandu vu murembe kandi avachiling'anu, vugira ililembana hagati haavo; vaali nivindu viosi viavenyaa. Vamenya ihale kutura ku vandu va Sidoni, na sivali ku nuvuhambani vwosi na vandu vandi mba.