Ezekieli 30:6 - KITABU KITAKATIFU

⁶ Yahova avoora, “Kutura Migidoli kolovega lwi Ivaale kuduuka Aswani kolovega lwi Isavaalu, avandu vakonya Egebeti vosi valakitirwi mu liihi ni kivavi. Iliihi liukwigingira lia Egebeti lilakadivizwi. Inzi Yahova Wuvunyali mali kovora.

Ezekieli 30:6 ပူးပေါင်းရင်းမြစ်များ

Ayubu 9:13

Nyasaye sianyala kugirung'anyia uvutima vwivwe mba; yashonoranyia avasigu veve avakonya Rahabu ukuhingana naye.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Ezekieli 29:10

Inzi mbeeye musigu woovo kandi musigu wumugera gwa Naili. Ndakora kivala cha Egebeti choosi kuva mang'anye, kutura ku lidaala linene lia Migidoli ku lovega lwa Ivaale kuduuka ku lidaala linene lia Aswani kulovega lwi Isavaalu, kuduuka ku zinzako zia Ezopia.

Ezekieli 33:28

Ndakakole kivala kuva chere kandi hazwa. Zinguru ziamwigingira nazio zilakaduuki kukeheri. Vigulu via Isiraeli vilakatigale viere kali umundu sialakagende mu mba.

Nahum 3:9

Lidaala yili liamiihaa Ezopia kandi Egebeti. Si haali ho ne kegero kuzinguru ziu vwamihi vwalio mba, lidaala lia Libia liali nu vuhambani vwalio.