Ezekieli 30:4 - KITABU KITAKATIFU

⁴ Vulwani vulakaveho mukivala cha Egebeti kandi ovovereri vunyingi navove mu kivala cha Ezopia. Avandu vanyingi mu Egebeti valakitwi; kivala kilakalaanywe nukutigara hazwa.

Ezekieli 30:4 ပူးပေါင်းရင်းမြစ်များ

Isaya 16:7

Avandu va Moabu valasioma kigira uvudinyu vwavaveeye navwo. Vosi valasioma lwaviizuliza viukulia vilahi ligali viavaliizaa mu lidaala linene lia Kiri Hareshezu. Vosi vaali vugira lisuuvirizwa.

Isaya 18:1

Nyasaye alahaana amageri ku avandu va Ezopia, kuvitira ku migera ja Ezopia, koveeye ho nikivala che lihuuma lie zisigi lihulirika. Keveeye ho kivala ichizula umuhumu gwi zimbaha.

Isaya 19:2

Yahova avoora, “Ndaleta uvulwani mu kivala cha Egebeti, na vuli mundu alalwana na amwavo weve, kandi mutende alalwana nu mutende weve, madaala manene gahimanaa galalwaana na madaala manene gandi, kandi vami vahimana valalwaana na vami vandi.

Isaya 20:3

Lwi lidaala linene lia Ashidodi liagumirwa, Yahova yavoola, “Mutumikiri wange Isaya yageendi ni chahonyo kandi ni virenge viere ku mihiga jivaga. Yiki ni kelolero ku agalikoleka ku vandu va Egebeti kandi Ezopia.

Jeremia 46:9

Laga zibarasi zizie kandi magare gu vulwani gagomagome! Tuma vasikari ichova: Vasaza kutura Ezopia na Libia ni vagingi zinguva, na vasaza avasiza vuvuta kutura Lidia.’ ”

Jeremia 50:15

Mukubi zikwiri zie liihi mu lidaala linene liosi! Kalunu Babiloni imali kwiyama. Madigi galio gamali kuduyanywa nukugwa. Inzi mbanzaa kisaalia change ku vandu va Babiloni. Kunangwa munyi muvanze kisaalia kuvo, kandi muvakolere kuli vaakolera avandi.

Ezekieli 28:23

Ndatuma uvulwaye ku munyi, kandi amasahi galizula mu zinzira zienyu. Avasigu valamwingilira ku zimbega ziosi, kandi valiita vandu vinyu vosi. Maku mulamanya ndi Inzi mbeeye Yahova.”

Ezekieli 29:12

Ndakora kivala cha Egebeti kuva hazwa ligali mulirova. Ku mihiga 40, madaala manene ga Egebeti galakave mang'anye; galava madamanu ligali kuvita lidaala lindi liosi. Ndakora vandu va Egebeti kuva avahambe. Valakirukili muvuli vivala kandi valakamenye hagati muvandu vandi.”

Ezekieli 29:19

Kunangwa kalunu yaga nigo aga inzi, Yahova Wuvunyali mboraa: Mbana kivala cha Egebeti ku mwami Nebukadineza. Alaranya uvuhinda vwosi vwa vandu va Egebeti kuli mitungu ji liihi lilie.

Ezekieli 29:8

Maku kalunu, inzi, Yahova, ngovolera ndi ndanyoora avasaza kukwingilira ni vivavi, kandi valiita vandu vovo ni zinyama zizio.

Ezekieli 38:5

Avandu kutura Pasia, Ezopia kandi Libia vaveeye naye, kandi vosi vaveeye ni zigudwa kandi zikuuti.

Danyeli 11:43

Alakavuguri vutugi vwa vandu va Egebeti vavisa kuli izahabu, ifeza ni miandu jindi minyingi ju vuguli. Alakaguuti kivala cha Libia na Ezopia.

Zefania 2:12

Yahova alakiti avandu va Ezopia ni kivavi.