Ezekieli 30:24 - KITABU KITAKATIFU

²⁴ Maku ndakora makono gu mwami wa Babiloni kuva ni zinguru; kandi ndaviika kivavi change mu makono geege. Navuzwa ndavunanyia makono gu mwami wa Egebeti, kandi alakenya nukukuza imbiri wu musigu weve.

Ezekieli 30:24 ပူးပေါင်းရင်းမြစ်များ

Nehemia 6:9

Vosi vaali nivagerizaa kukutihiza nivaganaganaa ndi, valakolekiza kokora miyinzi. Ndasaara, “Navuzwa kalunu, Nyasaye mbe zinguru!”

Ayubu 24:12

Likenya lia avandu vakuza lihulirika kutura mu lidaala linene, linene, kandi avatumitiywi vanira vokonyi navuzwa Nyasaye siahulirizaa lisaala liavo mba.

Zaburi 144:1

Yahova mukingi wange yizominywe, aveeye mukingi wange. Yanzigiza kuli nyara kuzia mu liihe, kandi yanzetegekizaa kuzia mu vulwani.

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 18:32

Ni Nyasaye ongolaa mbe ni zinguru, kandi akolaa zinzira ziange kuva zindahi.

Zaburi 18:39

Ivi ombeye zinguru kulwaana na vasigu vange, kandi kuvaguuta ligali.

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 45:1

Yahova umali kotovola Sairasi kuva mwami! Umali kumutovola kuguuta zihiiri; Amutumaa kuvugura zinguru zia avami. Yahova alamwigulira virivwa via madara manene. Yahova avooreraa mwami Sairasi ndi,

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Jeremia 51:52

Kunangwa inzi mboraa ndi ing'inga yiza lwa nambane amageri ku vifananyi via Babiloni, kandi yavo avaazaa vatozwe valakaliri mukivala choosi.

Ezekieli 26:15

Yahova Wuvunyali avooreraa lidaala linene lia Tiro ndi, “Lwa muva ni muguutwa, vandu vamenyi ahimbi ni inyanza navatihizwi kigira lilira lia yavo avitwaa.

Ezekieli 29:19

Kunangwa kalunu yaga nigo aga inzi, Yahova Wuvunyali mboraa: Mbana kivala cha Egebeti ku mwami Nebukadineza. Alaranya uvuhinda vwosi vwa vandu va Egebeti kuli mitungu ji liihi lilie.

Ezekieli 30:10

Yahova Wuvunyali avoora, “Ndatumikira mwami Nebukadineza wa Babiloni koheriza uvuhinda vwa vandu va Egebeti.

Ezekieli 30:11

Oyo harara na viliihi veve, avataveeye nizimbavasi valakaze kwononyia kivala. Na vingiliri avandu va Egebeti nivivavi, kandi kivala nachizuri miviri mikuzu.

Ezekieli 30:21

Yavoola, “Mwana wu Mundu, mali kuvunanyia mukono gwu mwami wa Egebeti. Siaveeyeho nu mundu wagovohelera ni zibendegi anoho kuguviika lukanda, kunangwa guduuki kohona kandi gove nizinguru kugumira kivavi mba.

Ezekieli 30:25

Yee, ndamukora kuva mudedekere kandi ndakora mwami wa Babiloni kuva ni zinguru. Lwa nambane kivavi change kuye kandi na kesone mu kivala cha Egebeti, vuli mundu namanye ndi Inzi mbeeye Yahova.

Zefania 2:12

Yahova alakiti avandu va Ezopia ni kivavi.