Ezekieli 30:13 - KITABU KITAKATIFU

¹³ Yahova Wuvunyali avoora, “Ndadiviza ivifananyi kandi avanyasaye vuvugadi mu Mefisi. Sialakaveho mundu kali mulala uwaza yamihi avandu va Egebeti mba, kandi ndakatiihizi avandu vosi.

Ezekieli 30:13 ပူးပေါင်းရင်းမြစ်များ

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Isaya 2:18

Kandi vifananyi viosi vilakatulizwiho ligali.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 2:16

Yee, avandu va Mefisi na Tahapanesi vamali kwatanyia vihanga viavo.

Jeremia 43:12

Inzi nasambe matemberi gavanyasaye va Egebeti, kandi mwami wa Babiloni nasambe avanyasaye vaavo anoho navatuliziho. Kuli umwayi avugulaa zinguvu zizie nukuzinihiza kutura ku iziinda, kunangwa mwami wa Babiloni alavugula kivala cha Egebeti nukukinihiza, maku atuli nukuzia naveeye muguuti.

Jeremia 43:13

Aladiviza minaara mitakatifu jiveeye ha Heliopolisi mu Egebeti kandi alasamba matemberi agavanyasaye va Egebeti.”

Jeremia 44:1

Yahova yamoloma ku inze kigira avandu vosi va Isiraeli avamenyaa mukivala cha Egebeti, mu madaala manene ga Migidoli, Tahapanesi, Mefisi kandi mukivala cha Pazirosi.

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 46:19

Mwetegeke kuva avahambe, munyi avandu va Egebeti! Mefisi lilakolwa changalangwi, amang'anye hu mundu atamenyaa mba.

Jeremia 46:25

Yahova Wuvunyali, Nyasaye wa avandu va Isiraeli avoora, “Nziza kuhaana amageri ku vandu va Amoni, nyasaye wa Zebesi, harara na avandu va Egebeti na avanyasaye vaavo na avami vaavo. Nziza kuvugura mwami wa Egebeti kandi na vosi avaasuuvira muye,

Jeremia 46:5

Yahova ateeva, “Navuzwa nikindiki chandolaa? Vagirung'ana nukwirana inyima mu uvutihizi. Avasikari vaavo vakubagwa; vizuyi uvuti, vanyagura vwangu kuli vanyara na sivikivukaa inyima mba.

Ezekieli 30:16

Ndasamba kivala cha Egebeti, kandi avandu vi lidaala lia Pelusiamu valakave mu vuzunu. Madigi gi lidaala lia Zebesi galakagwi, kandi mazi galakizuli mu lidaala linene.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Zekaria 10:11

Lwa navavitiri mu inyanza yi kivi, inzi, Yahova, ndakakiling'anye viguvuli kandi mugera gwa Naili gulakakame. Liegingira lia vandu va Siria lilakikizwi, kandi vandu va Egebeti vi zinguru valakagotizi zinguru ziavo yaga.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.