Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezekieli 3:20 - KITABU KITAKATIFU

20 “Kandi niiva umundu mulungi alaleka uvulungi nokokola zimbi, ndavika chukwikigatala imbiri weve, na alakuza. Kigira si wamwiganihiza mba, alakuza kigira uvwoni vwivwe mwene. Amalungi goosi agayakola si galizulizwa mba, na ndakudula ku likuza lilie.

အခန်းကိုကြည့်ပါ။ ကော်ပီ




Ezekieli 3:20
41 ပူးပေါင်းရင်းမြစ်များ  

Mulimenya liile liosi yakola agayaanziza Yahova mu mihiga josi ja Jehoyada musaalisi, yaali nakikiri mwoyo.


Agene yaga gakoraa Yahova kuvihilirwa mu lituma muporofeti ku Amazia. Muporofeti yamuteeva, “Kigira ki ivi umali kusigamira avanyasaye vageni avatanyala kali kohonya vandu vaavo kutura mu zinguru zizio?”


Yavo avayaanzaa lilaga liilio vaveeye nimirembe midukiru; kandi sikeveeye ho ni kindu kinyala kuvakola vagwi mba.


Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.


Amakuva geege gaveeye amachamu kandi gu vugadi, siakolaa agovogeri mba, anoho amalahi mba.


Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.


Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.


Kigira litihiza liu vutakatifu vwange, mbeeye kuli ligina liavandu vikigitara ku; mbeeye kuli mutego guligumira avandu vamadala ga Ivuyuda na Isiraeli kandi na vandu va Jerusalemi.


Navuzwa mwamanya nimugirung'anyia zing'anagani zienyu kandi nimuvula kumba luyali. Munyi vosi mwavugula avatugwa vamwali nimwavoholora kuli venya, kandi mwavaniga kugwa avatugwa.


Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”


“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?


“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.


Lwu mundu mulungi alekaa kokora uvulungi maakora uvudamanu, akuzaa kigira uvudamanu vwa mali kokora.


Niiva ndakalandizi ndi umundu muchamu alakuza, navuzwa ivi uvuli kumwiganihiza agirung'ane kutura kuzinzira zizie kuduuka ahonyie livamwoyo lilie, alakuza naveeye mwoni, inzi ndakudula ku likuza lilie.


Niiva umundu mulungi alagirung'ana nokoleka vulungi na akole vudamanu, alakuza kigira likora vudamanu.


Niiva musikari alalola musigu niyaza kandi avuli kukuba lwanga, musigu alaza kandi aliita avoni yavo, navuzwa ndadula musikari kigira likuza liavo.


Navasiuvi zizahabu ni zifeza ziavo mu zinzira, nazive kindu kitaveeye kilahi. Izahabu ni feza yaavo sinivahonye mu lidiku liuvutima vwa Yahova vululu mba. Yivi viosi si vilavakola kwiguta mba, kigira izahabu ni ifeza yavo vimali kuvakola kwikigatira nukuzia mu vwoni.


Nyasaye hulira lisaala lietu, henza ku vudinyu vwa koveeye navwo, kandi vusaliri vwi lidaala liilio. Kusaala ku ivi kigira oveeye wi zimbavasi, navuzwa si gaveeye kigira kokora uvulungi mba.


“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.


Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”


“Amwavo woovo nakwonera, zia kuye umumanyie uvwoni vwivwe. Navuzwa gakoleke vuzwa mu vwivisu hagati hinyu. Niiva mulahuliriza umali kwilanyia amwavo woovo.


Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,


Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.


Daudi avoora, “Lilia liavo ligwiyi uvuliva; kandi ligwiyi mutego gwu kuvagumira, kandi ligwiyi liu kwikigitariza vaduuki kugwa; kandi vanyoore amaduywa gaavo aveene!


Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,


mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.


Navuzwa avandu vange valungi valava mwoyo kigira lisuuvira; niiva mulala kuvo yirana inyima, mwoyo gwange sigulamuyaanza mba.”


Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.


Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.


Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ