Ezekieli 3:12 - KITABU KITAKATIFU

¹² Maku Roho wa Nyasaye yang'inga igulu, kandi ndaahulira inyima wange muhuumu munene gwu mwoyo ugovolaa ndi, “Uvukumi vwa Yahova mwigulu igulu vwizominywe!”

Ezekieli 3:12 ပူးပေါင်းရင်းမြစ်များ

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

2 Avami 2:16

ni vavoola, “Koveeye hano avasaza vi zinguru amusini. Leka kuzie kukwenyera munene woovo. Hawundi Roho wa Yahova umugingi nu kumusigisa ku kiguru kilala anoho mu livona lilala.” Elisha yativura “Awa, mutazia mba.”

Zaburi 148:2

Mumwizominye Yahova, munyi zingelosi veve vosi, kandi munyi amahi geege goosi gu mwigulu.

Zaburi 26:8

O, Yahova, nyanza mu Litembeli liilio aha omenyi havundu hu vukumi vuvwo vomenyaa.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 11:1

Roho wa Nyasaye yang'inga igulu kandi nambira mu kirivwa chi Ivugwi chi Litembeli. Hene yaho ahimbi nikilivwa ndaalora avasaza 25, harara na Jaazania mwana wa Azuri, Pelatia mwana wa Benaya na aviimiliri vaviri vi kivala.

Ezekieli 2:2

Lwa ndahulira mwoyo nigumoloma na inzi, Roho yaza mu inzi kandi niyasingiliza nu mwoyo gwazizagilira kovora,

Ezekieli 3:11

Uzie kalunu ku vandu vi kivala chienyu avaveeye mu lihaminywa ma omolome kuvo kandi. Uvavoolere, ndi Inzi Yahova Wuvunyali mboraa kuvo, kali niiva valahulira anoho valasura kuhulira.”

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Ezekieli 43:4

Uvukumi vwa Yahova vwazia mu Litembeli kuvitira mu kirivwa chi Ivugwi.

Ezekieli 43:5

Maku Roho wa Yahova yaali ku Inzi, kandi yambira mu mugizi gwu mugati, na ndaalora uvukumi vwa Yahova nivwizuyi mu Litembeli.

Ezekieli 8:3

Kelombe yiki chanyiira mukono nigudiila liisu ku mutwi gwange. Maku mu malola yaga Roho wa Nyasaye yang'inga igulu mwigulu niyambila mu Jerusalemi. Yambira mugati mwuvwingiliru vwa Ivaale vwi Litembeli, ahikifananyi chukuvihiliriza ku Nyasaye chaali.

Ezekieli 9:3

Maku uvukumi vwa Nyasaye wa Isiraeli vwazia Igulu kutura ku vakerubi, nivuzia kuvwingiliru vwi Litembeli. Yahova yalanga mundu waali niyiviiki inguvu yu luvaala navoora,

Vikolwa 2:2

Nonoho, vahulira muhuumu kutura mwigulu gwahulirika kuli imbuza enene, ni gwizura inyumba yoosi mwa vaali ni vikaaye.

Vikolwa 8:39

Lwa vaatura mu mazi, Roho wu Mwami yavugula Filipo vwangu, kiziri oyo si yamulola kandi mba, navuzwa yaazizagilira nologendo lwilwe ni yizuuyi uvusangari.

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,

Likunula 1:15

Zinduvatiru zie virenge vivie ziali kuli umugasa gusiyiywi mu muliru, mwoyo gwigwe gwahiligana kuli amazi manene.

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.