Ezekieli 29:6 - KITABU KITAKATIFU

⁶ Maku avandu vosi va Egebeti valakamanye ndi, inzi mbeeye Yahova.” Yahova avoora, “Avandu va Isiraeli veereda ku munyi avandu va Egebeti kigira ovokonyi, navuzwa simwali avalahi kuvita kisala kededekere mba.

Ezekieli 29:6 ပူးပေါင်းရင်းမြစ်များ

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

2 Avami 18:24

Kali simunyala kuduukira ku avanene vi ikika cha haasi ligali cha vandu va Siria, na munyi mulindiliraa Vaegebeti vamutumiri vandu vu kunina ku zibarasi kandi magare gu vulwani!

Kutwula 14:18

Lwambaguuta, avandu va Egebeti valamanya ndi Inzi mbeeye Yahova.”

Kutwula 9:14

Ing'inga yiyi sindaleeta amaduywa ku vatumikiri vovo kandi ku avandu vovo venyine mba, navuzwa ndahaana mageri kali ku ivi mwene, kunangwa uduuki kumanya ndi sihaveeye ho nu wundi kuli inzi mu lirova liosi mba.

Isaya 36:6

Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Ezekieli 17:17

Kali Mwami wa Egebeti harara ni liihi lilie lie zinguru sialamukonya kulwaana lwa vandu va Babiloni vumbaka vitumi nukuyava malina nukwita vandu vanyingi mba.

Ezekieli 28:26

Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”

Ezekieli 30:8

Lwa nambambizi muliru mu kivala cha Egebeti nukwita vandu vosi avakonyaa kivala yicho, maku navamanye ndi inzi mbeeye Yahova.